පසුගිය ජනාධිපතිවරණයේදී සහ මහමැතිවරණයේදී ශ්‍රී ලංකා පොදුජන පෙරමුණ බලයට පත් කිරීම සඳහා වෙහෙසුන සිංහලේ ජාතික ඒකාබද්ධ එකමුතුව සහ බෞද්ධ සංවිධාන මෙන්ම ශ්‍රී ලංකා පොදුජන පෙරමුණේ බිම් මට්ටමේ ක්‍රියාකාරීව වැඩකළ තරුණ පිරිස් එක්ව”මේ අපේම රට මතු පරපුරටත් දායාද කරමු!”, “ජාතිවාදය එපා එකතු වෙමු!” යන තෙමාවන් යටතේ 69 ලක්‍ෂයක ජනවරම රැක ගැනීම සඳහා වූ සාමකාමී විරෝධතාවයක් 2021.01.03 ඉරිදා පෙ.ව 10.00 බොරැල්ල කනත්ත ඉදිරිපිටදී පැවැත්වීය.

මෙම විරෝධතාවයට ගෝඨාභය රාජපක්ෂ ජනතිපතිතුමාගේ ජනවරම පිටුපස සිටි සංවිධාන සහ පුද්ගලයින් සිටි බවද අප වෙත වාර්තාවේ.

විරෝධතාකරුවන් අතෙහි අලි සබ්‍රි මහතා පිටුපස සී අයි ඒ සංවිධනය සිටිනවාදැයි ප්‍රශ්න කරන විරෝධතා පුවරු දක්නට ලැබුණි.

විරෝධතාකරුවන් ජනාධිපති ගෝඨාභය රාජපක්ෂ මහතාට භාර දීමට ලිපියක්ද සකස් කර තිබුණි.