සෞඛ්‍යය අමාත්‍යාංශ ආරංචි මාර්ග පවසා සිටින්නේ දෙසැම්බර් 28 වන දින යුක්‍රේනයේ සිට මෙරටට පැමිණි පළමු සංචාරක කණ්ඩායමේ පිරිසෙන් තිදෙනෙකු කොවිඩ් 19 වෛරසය ආසාදිතයන් බවට පී සී ආර් පරීක්ෂණ වලින් තහවුරු වී ඇති බවයි.

මේ අනුව එම තිදෙනා කොවිඩ්19 වෛරසය ආසාදනය වූ විදේශිකයන් සඳහා සෞඛ්‍යය අමාත්‍යාංශය නිර්දේශ කර ඇති සෞඛ්‍ය ආරක්ෂිත ක්‍රියා මාර්ග ගැනීමට කටයුතු කර ඇති බවද වාර්තාවේ. කෙසේ වුවද එම ආසාදිතයන්ගේ පළමු පෙළ ස්පර්ශකයන් වන අනෙක් සංචාරකයන් සම්බන්ධව ගන්නා ක්‍රියා මාර්ග පිළිබඳව සෞඛ්‍යය බළධාරීන් මෙතෙක් කිසිවක් ප්‍රකාශයට පත් කර ඇති බවක් වාර්තා නොවේ.

යුක්‍රේනයේ සිට පැමිණෙන දෙවන සංචාරක කණ්ඩායම ඊයේ (29 ) මත්තලින් ශ්‍රී ලංකාවට ගොඩ බැස ඇති අතර එම පිරිස සංචාරකයන් 204 දෙනෙකුගෙන් සමන්විතය.

සංචාරක පිරිස කොග්ගල සහ බෙන්තොට ප්‍රදේශයේ පිහිටි හෝටල් ආශ්‍රිතව ලැඟුම් ගැනීමට කටයුතු සූදානම් කර ඇති බව සංචාරක අමාත්‍යාංශ ආරංචි මාර්ග පවසයි.