1977 න් පසු ආරම්භ වී මේ වන විට උච්චතම අවස්ථාවකට පත්වී ඇති මුදල් අමාත්‍යවරයාගේ අත්සනින් ආනයනකරුවන්ට ලබාදෙන බදු සහන පිළිබඳ තීන්දු ගනු ලබන්නේ අතලොස්සක් වූ නිලධාරීන් විසිනි. එම නිළධාරින් ලබා දෙන බදු සහන පිළිබඳ සොයා බැලීමේදී අනාවරණය වන්නේ අදාළ තීන්දුවලින් යම් තෝරාගත් සමාගම් කිහිපයකට පමණක් වාසි අත්වී ඇති බවය. වැට් බදු සහන ලබාදීම් නිසා රජයට කෝටි 40,000 කට වැඩි බදු ආදායම් අහිමිවූ බව ආදායම් බදු කොමසාරිස්වරයා විසින්ම පිළිගෙන තිබේ. එහෙත් එම සමාගම්වලට ලබාදෙන ලද එම සහනයේ ප‍්‍රතිලාභ මහජනයාට ලැබී නැත.හිටපු සතොස ස්භාපතිවරයාගේ මැදිහත් වීමෙන් ලබා දුන්නේ යැයි වාර්තා පලවූ කි.ග‍්‍රෑම් 1 කට රු. 55 ක් වූ අතිවිශාල බදු සහනයද මහජනයාට නොලැබුණු බව පාරිභෝගික අධිකාරිය විසින්ම පිළිගෙන ඇත. මෙවැනි වූ කූට ජාවරම්කාර ආර්ථික ඝාතන නිළධාරින් කණ්ඩායමකගේ ඇර්ථික ඝාතක ක්‍රියා මාර්ග පිළිබඳව ලියැවුනු ලිපියක් පුරවැසි කොළමේ පලවේ.

ආර්ථික ඝාතකයන්ගෙන් ගැලවෙන්නේ කොහොමද?