ශ්‍රී ලංකාව අත්විඳි භයානකම ස්වාභාවික විපතක් වූ සුනාමි ව්‍යසනය සිදු වී දෙසැම්බර් 26 වන අද දිනට හරියටම වසර 16 ක් සම්පූර්ණ වේ. 2004 වසරේ දෙසැම්බර් 26 වන දින සිදු වූ මෙම බිහිසුණු විපතින් ශ්‍රී ලංකාවට අමතරව තායිලන්තය, ඉන්දියාවේ තමිල්නාඩුව, ඉන්දුනීසියාවේ බන්ඩා අචේ ප්‍රාන්තයද දරුණු ලෙස හානියට පත්විය.

මෙම විපතින් ඉහත කී රටවල ජනයා 227,898 ක් දෙනෙකු මියගිය බව වාර්තා වේ. සුනාමි විපතින් වැඩිම විනාශය සිදු වූයේ ඉන්දුනියාවේ වූ බන්ඩා අචේ ප‍්‍රාන්තයටයි. ඉන්දුනිසියාව අවට ප්‍රදේශයේ පෘථිවි තල එකිනෙක ගැටීම මෙයට හේතුවූ බව භූ ගර්භ විද්‍යාඥයෝ පවසති.