යම්කිසිවෙකු Pfizer හෝ Moderna එන්නත් ලබාගැනීමෙන් අනතුරුව අතුරු අබාධයකට හෝ වෙනත් ආබාධයකට ලක් වුවහොත් ඒ සඳහා නීතියේ පිළිසරණ පැතීමට කිසිවෙකුට අවසරයක් නොමැති වන ලෙසට එම ඖෂධ සමාගම් වලට නීතියේ මුක්තිය ලබාදීමට ඇමරිකානු රජය පියවරගෙන ඇති බව ඇමරිකානු ප්‍රධාන මාධ්‍ය ආයතනයක් වන CNBC වාර්තා කර සිටී.

එයට අමතරව මෙම එන්නත් අනුමත කිරීම හේතුවෙන් ඇමරිකාවේ ආහාර සහ ඖෂධ අධිකාරී පරිපාළනයට [Food and Drug Administration (FDA)] එරෙහිව නීතිමය ක්‍රියාමාර්ග ගැනීමේ අයිතිය මෙන්ම එන්නත ලබාගැනීම සඳහා නියෝග පැනවීම පිළිබඳව කිසිදු ව්‍යවසායකයෙකුට එරෙහිව නීතිමය ක්‍රියාමාර්ග ගැනීමේ සේවකයෙකුට ඇති අයිතිය මෙම නව මුක්තිය හරහා අහුරා තිබේ.

මෙම නව නීති මගින් ඖෂධ සමාගම් ඉතා පහසුවෙන් නීතියේ ආවරණය ලබමින් වගකීමෙන් සහ වගවීමෙන් ලිස්සා යන බවත් මෙය ඇමරිකානු නීති ඉතිහාසයේ දුර්ලභ අවස්ථාවක් මෙන්ම සැලකිළිමත් විය යුතු සන්ධිස්ථානයක් බව Dallas හි ප්‍රවීන කම්කරු සහ රැකියා නීතිවේදියෙකු වන Rogge Dunn පවසයි.

වැඩිදුර තොරතුරු සඳහා පහත ලින්ක් එක බලන්න
https://www.cnbc.com/2020/12/16/covid-vaccine-side-effects-compensation-lawsuit.html