ලෝක සෞඛ‍ය සංවිධානය විසින් කොවැක්ස් (COVAX) නම් වැඩ සටහනක් හඳුන්වා දී ඇති බවත් ඒ අනුව රටේ ජනගහනයෙන් 20% කට කොවිඩ් 19 එන්නත් ලබා දීමට සැලසුම් කරමින් සිටින බවත් ඖෂධ නිෂ්පාදන සහ සැපයුම් නියාමන රාජ්‍ය අමාත්‍ය මහාචාර්‍යය චන්න ජයසුමන මහතා මාධ්‍ය ප්‍රකාශයක් කරමින් සඳහන් කරන ලදී.

එම සැලසුම අනුව ඇමරිකාවේ නිෂ්පාදිත Pfizer සහ Moderna එන්නත්, එංගලන්තයේ නිෂ්පාදිත AstraZeneca එන්නත, රුසියාවේ නිෂ්පාදිත Sptnik V එන්නත, චීනයේ නිෂ්පාදිත Sinovac සහ තවත් එන්නතක් යන එන්නත් 6ක් පිළිබඳව සලකා බලමින් සිටින බවත් ප්‍රකාශ කරන ලදී.

පසුගිය වසරේ අගෝස්තු මාසයේ ලෝක සෞඛ‍ය සංවිධානයේ ලියාපදිචි කර දැනට 96%ක සාර්ථකත්වයක් පෙන්වා ඇති රුසියාවේ Sptnik V එන්නත පිළිබඳව ලබන සතියේදී රුසියානු රජය සමඟ නිළ වශයෙන් තානාපති මට්ටමින් සාකච්ඡා ආරම්භ කරන බවත් මහාචාර්‍යයවරයා වැඩිදුරටත් සඳහන් කර සිටියේය.