කොවිඩ් – 19 වෛරසය මැඩලීම් සඳහා නිපදවා තිබෙන Pfizer, Sputnik V, Sinovac, Moderna, AstraZeneca එන්නත් වලින් සුදුසු එන්නතක් පෙබරවාරි මස දෙවැනි සතිය වන විට මෙරටට ගෙන්වා ගැනීමට අවශ්‍ය රාජතාන්ත්‍රික සාකච්ඡා සිදු කරමින් සිටින බව රාජ්‍ය අමාත්‍ය මහාචාර්ය චන්න ජයසුමන මහතා සඳහන් කරයි.

එමෙන්ම Pfizer එන්නත ගබඩා කිරීම සඳහා අවශ්‍ය වන -75C, විශේෂ ශීතාගාර පහසුකම් වර්ධනය කිරීම සඳහා දැනටමත් ලෝක බැංකුව සහ ආසියානු සංවර්ධන බැංකුව කැමැත්ත පළකර ඇතැයිද; ලෝක සෞඛ්‍ය සංවිධාන නිර්දේශයන් ගැන සලකා බලා ලබාගත හැකි පළමු අවස්ථාවේදීම වඩාත් සුදුසු එන්නතක් මෙරට ලබා ගැනීමට සූදානම් වෙමින් සිටින බව ද ඔහු තවදුරටත් පැවසීය.