අප‍්‍රිකානු රටක් වන ස්වාසිනි (ස්වාසිලන්තය) රාජ්‍යයෙහි අග‍්‍රාමාත්‍ය ඇම්බ්‍රෝස් දලාමිනි මහතා කොවිඞ් 19 රෝගයට ගොදුරුව පෙරේදා (13දා) මියගොස් ඇත’

මියයන විට 52 වැනි වියෙහි පසුවූ අග‍්‍රාමාත්‍යවරයා පසුගිය නොවැම්බර් මාසයේ මැද තමාට කොවිඞ් 19 රෝගය ආසාදනය වී ඇතැයි මාධ්‍යයට පවසා තිබුණි’

කිසිදු රෝග ලක්ෂණයක් පෙන්වන්නේ නැතැයි ද තමාට කිසිදු අපහසුතාවයක් නැතැයි ද පවසා තිබූ අග‍්‍රාමාත්‍යවරයා මීට දින දෙකකට පෙර අසාධ්‍යව රෝහල්ගත කර තිබේ’ ඒ අනුව නේවාසික ප‍්‍රතිකාර ලබමින් සිටියදී පෙරේදා මරණයට පත්ව ඇත’

ලක්ෂ 12ක ජනගහනයක් සහිත ස්වාසිනි රාජ්‍යයෙහි මේවන විට කොවිඞ් ආසාදිතයින් 6700ක් වාර්තා වන බවත්” රෝගීන් 127ක් මරණයට පත්ව ඇති බවත් එරට රජය පවසයි’