අග්රාමාත්ය මාධ්ය ලේකම් රොහාන් වැලිවිට මහතාගේ අත්සනින් යුතුව නිකුත් කර ඇති මාධ්යය නිවේදනයකින් කියවෙන්නේ අග්රාමාත්ය මහින්ද රාජපක්ෂ මහතා ජාතික පර්යේෂණ සභාවට කොවිඩ් -19 සම්බන්ධයෙන් දේශීය වශයෙන් සොයාගෙන ඇති ප්රතිකාර ක්රම සහ ඖෂධ සම්බන්ධ විද්යානුකූල තහවුරු කිරීම් කඩිනම් කරන ලෙස දැනුම් දී අති බවයි.අග්රාමාත්ය මාධ්ය ලේකම් විසින් නිකුත් කර ඇති මාධ්යය නිවේදනය් පහතින්.
===========================================================================================
කොවිඩ් -19 සම්බන්ධයෙන් දේශීය වශයෙන් සොයාගෙන ඇති ප්රතිකාර ක්රම සහ ඖෂධ සම්බන්ධ විද්යානුකූල තහවුරු කිරීම් කඩිනම් කරන්නැයි ගරු අග්රාමාත්ය මහින්ද රාජපක්ෂ මහතා ජාතික පර්යේෂණ සභාවට දැනුම් දී තිබේ.
ඒ අනුව කොළඹ විශ්වවිද්යාලයේ නිර්දේශිත දේශීය වෙදකමක්, ආචාර්ය හර්ෂ සුබසිංහ මහතාගේ සහ ඉන්දික ජාගොඩ මහතාගේ මුලිකත්වයෙන් සැකසූ කොවිඩ් සදහා විශේෂිත වූ දේශීය ප්රතිකාර ක්රම හා කෑගල්ලේ ධම්මික බණ්ඩාර වෙද මහතාගේ ඖෂධ පැණිය වැඩිදුරටත් විද්යානුකූල පරීක්ෂණයකින් තහවුරු කිරීමට අග්රාමාත්යතුමා ජාතික පර්යේෂණ සභාවට නිර්දේශ කර ඇත.
කෑගල්ල ධම්මික බණ්ඩාර වෙද මහත්මයාගේ පැණිය පිළිබඳව පර්යේෂණ පත්රිකාවක් රජරට විශ්වවිද්යාලයේ වෛද්ය පීඨයේ මහාචාර්යවරුන්ගේ මැදිහත්වීමෙන් ඉදිරිපත් කෙරන අතර ඒ පිළිබඳව පර්යේෂණ සඳහා මෙරට සියලුම වෛද්ය විද්යාල නියෝජනය වන පරිදි කායික විද්යාව පිළිබඳ විශේෂඥ දැනුම සපිරි ජ්යෙෂ්ඨ මහාචාර්යවරුන් පස් දෙනෙකු සහ ජාතික පර්යේෂණ සභාව වෙනුවෙන් ජාතික පර්යේෂණ සභාවේ සභාපති ප්රසව හා නාරිවේද විශේෂඥ වෛද්ය මහාචාර්ය හේමන්ත දොඩම්පහල මහතා යොමු වී සිටිති.
මේ අතර ලෝකයේ කොවිඩ්-19 සම්බන්ධයෙන් සොයාගත් එන්නත් වර්ග ගැන හැදෑරීමක් කොට ඒ පිළිබඳ වාර්තාවක් සපයන්න යැයි මෙයට පෙර ගරු අග්රාමාත්ය මහින්ද රාජපක්ෂ මහතා ජාතික පර්යේෂණ සභාවට දැනුම් දී තිබිණි.
ඒ අනුව සකස් කළ වාර්තාව පදනම් කර ගනිමින් කොවිඩ් -19ට මෙතෙක් සොයාගෙන ඇති විශිෂ්ටතම එන්නත් වර්ග තුන සම්බන්ධ සී.ඩී.ඒ වාර්තාව ජාතික පර්යේෂණ සභාව විසින් සෞඛ්ය ඇමැතිනි පවිත්රා වන්නිආරච්චි මහතමියට භාර දී තිබේ.
රොහාන් වැලිවිට
අග්රාමාත්ය මාධ්ය ලේකම්
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...