ආණ්ඩුවට රුපියල් බිලියන 10ක් අහිමි කළ සීනි ජාවාරමේ තීන්දුව ගනු ලැබුවේ’වියත්මගේ’ සාමාජිකයින් විසින් බවත් ඒ ජනාධිපති ගෝඨාභය රාජපක්ෂගේ ප්‍රචාරක ව්‍යාපෘතිවලට සහයෝගය ලබා දුන් ගජමිතුරු ව්‍යාපාරිකයෙකු වෙනුවෙන් බවත් පාර්ලිමේන්තු මන්ත්‍රී අනුර දිසානායක ඊයේ (10) පාර්ලිමේන්තුවේදී හෙළිදරව් කර සිටියේය.

සීනි කිලෝවක් ආනයනය සඳහා තිබූ රුපියල් 50 බද්ද ශත 25 දක්වා අඩු කිරීම තුළින් රජයට මාස දෙකක් ඇතුළත රුපියල් බිලියන 10 ක පමණ බද්දක් අහිමිව ඇතැයි පැවසු මන්ත්‍රීවරයා, ජනාධිපති ගෝඨාභය රාජපක්ෂට සහයෝගය ලබා දුන් ඔහුගේ ගජමිතුරු ව්‍යාපාරිකයෙකු වන ‘විල්මාර්’ ( Wilmar Trading ) සමාගමේ දේශීය කළමණාකාර අධ්‍යක්ෂ සජාඩ් මවුසූන් (Sajjad Mawzoon) වෙනුවෙන් එම බදු අඩුකිරීම සිදුකර ඇති බවයි.