ආසාත්මිකතා අවදානම සහිත කිසිවෙකු Pfizer එන්නත ලබා නොගන්නා ලෙස; එරට ඖෂධ හා සනීපාරක්ෂක නිෂ්පාදන නියාමන ඒජන්සිය (MHRA) මහ ජනතාවට අනතුරු ඇඟවීමේ නිවේදනයක් නිකුත් කර ඇති බව එංගලන්ත සෞඛ‍ය සේවා (NHS) අධ්‍යක්ෂ මහාචාර්‍යය Stephen Powis පවසයි.

එන්නත එක්සත් රාජධානියේ ජනතාවට ප්‍රචලිතව ලබා දීමේ පළමු දිනයේදීම එනම් අඟහරුවාදා (08) දින එය ලබාගත් එරට (NHS) වෛද්‍යවරුන් දෙදෙනෙකුට දරුණු ආසාත්මිකතා ලක්ෂණ පෙන්නුම් කිරීමෙන් අනතුරුව මෙම නිවේදනය නිකුත් කර ඇත.

තවද, එරට සියලුම රෝහල් සහ එන්නත ලබාගැනීමට ලැයිස්තුගත සියලුම දෙනාට මේ වනවිට මෙම නිවේදනය දන්වා ඇතැයි ද එරට ජාතික සෞඛ‍ය සේවා (NHS) ආයතනය වාර්තා කර සිටී.

ඖෂධ හා සනීපාරක්ෂක නිෂ්පාදන නියාමන ඒජන්සි (MHRA) ප්‍රධානී ආචාර්‍ය්ය June Raine අද (09) දින කාරක සභා රැස්වීමක් අමතා පවසා ඇත්තේ Pfizer එන්නත් ව්‍යාපෘතිය පුරාවටම මෙම අවදානම පිළිබඳ පරීක්ෂාකාරී වීම පවත්වාගන යන බවයි.

ඒ අතර, එරට සෞඛ‍ය අමාත්‍ය Matt Hancock අඟහරුවාදා (08) දින පවසා සිටියේ එක්සත් රාජධානියේ නිෂ්පාදිත AstraZeneca එන්නතට මේ වසර අවසාන වනවිට අනුමැතිය ලැබෙන බවයි.

වැඩිදුර තොරතුරු පහත ලින්ක් එකෙන්
https://www.rt.com/uk/509112-vaccine-pfizer-warning-britons-regulator/