මෙගා වොට් 100 ක් ජාතික පද්ධතියට මුසු කිරීමට බලාපොරොත්තු වන සුළං කුළුණු 33 කින් සමන්විත මන්නාරම සුළං බලාගාරය ජනතා අයිතියට පත් කිරීම අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද (08) දින සිදු විය.

ලංකා විදුලි බල මණ්ඩලය සතු වන පළමු සුළං විදුලි බලාගාරය වන මෙම මන්නාරම සුළං බලාගාරයට අමතරව; මෙලෙසින්ම තවත් මෙගාවොට් 240 ක් පූනරීන් වලින් සහ මන්නාරමෙන් තවත් මෙගා වොට් 300ක් ජාතික පද්ධතියට එක් කිරීමට බලාපොරොත්තු වන බවත් මෙම පුනර්ජනනීය බලශක්ති ප්‍රභව හරහා විදුලි ඒකකයක් නිෂ්පාදනය කර ගැනීම සඳහා වැය වන්නේ රුපියල් 08ක් වැනි අඩු මුදලක් බවත් සූර්ය බළ, සුළං බළ විදුලි ජනන රාජ්‍යය අමාත්‍යය දුමින්ද දිසානායක මහතා පවසා සිටියේය.