කුඩා කල සිටම පසුගාමී සමාජ ආකල්පයන්හි බාධාවන් අභියෝගයක් කරගත් ආශා ඩි වෝස් අවසානයේ සියලු අභියෝග ජය ගනිමින් ලොව ප්‍රචළිත සාගර විද්‍යාඥවරියක් බවට පත් වූ අතර “සීකෝ” ඔරලෝසු නිෂ්පාදකයින් අනුග්‍රහය දක්වන “ස්කූබා ඩයිවින්” සංවිධානය විසින් ඇයව “2020 සාගර වීරවරිය” ලෙස නම් කර තිබේ.

ඇය විසින්, ලොව විවිධ සාගර කළාපයන්හි ජීවත් වන තල්මසුන් සහ ඔවුන්ගෙන් සාගර සහ භූමි පරිසර පද්ධතීන්ට වන මිළ කළ නොහැකි සේවාවන් සම්බන්ධයෙන් සිදු කළ පුලුල් අධ්‍යයනයන් වලින් අනතුරුව කරන ලද නවමු හෙළිදරව් පිළිබඳව ලොව ප්‍රචලිත ඇයගේ TED Talks දේශනා බොහෝ අයගේ ප්‍රශංසාවට ලක් වී ඇත.

ශ්‍රී ලංකාවේ සාගර කළාපයේ වෙසෙන නිල් තල්මසුන්ට ඉමහත් ආදරයක් දක්වන ඇයට, සාගර සම්පත් සුරැකීම සහ ඒ පිළිබඳව පුලුල් අධ්‍යයනයන්ට අනාගත පරපුර යොමු කිරීම අරමුණු කරගෙන ඇයගේ පුරෝගාමිත්වයෙන් පිහිටුවා ඇති “Oceanswell” ආයතනයට ඩොළර් 5,000/=ක ප්‍රදානයක් ද මෙම සම්මානයට අමතරව “සීකෝ” ඔරලෝසු නිෂ්පාදකයින් විසින් ඇයට ලබා දී තිබේ.