PCR කට්ටලයක තොග මිල රු 1500ක මට්ටමේ පවතින තත්වයක් තුල පුද්ගලික රෝහල් වලට එම පරීක්ෂණය සඳහා රු. 6000ක් තරම් ඉහළ මිලක් අය කිරීමට ඉඩ දීම පිළිබඳ වෛද්‍යවරු විමතිය පළ කරති.

රජයේ වෛද්‍ය නිලධාරීන්ගේ සංගමයේ නම සඳහන් කිරීමට අකමැති විධායක කමිටු සාමාජිකයෙක සදහන් කරන්නේ එසේ ඉහළ මිලක් නියම කිරීම වැලැක්වීමට පෞද්ගලික රෝහල් නියාමනය කිරීමේ පනත යටතේ සෞඛ්‍ය අමාත්‍යාංශයට බලය ඇතත් යම් නිලධාරීන් පෞද්ගලික රෝහල් වෙනුවෙන් පෙනී සිටීම නිසා මහජනයාට සාධාරණය ඉටු නොවන බවය.

මෙවැනි වසංගත තත්වයකදී පෞද්ගලික රෝහල් ස්වේච්ඡාවෙන් යම් කාර්යභාරයක් බාරගත යුතු වුවත් ඒ වෙනුවට ඔවුන් මංකොල්ලයක නිරතවී සිටින සිටින බවටද එම වෛද්‍යවරයා චෝදනා කරයි.