ජනාධිපති ගෝඨාභය රාජපක්‍ෂ මහතා විසින් කොමිෂන් සභා පහක් සඳහා සාමාජික / සාමාජිකාවියන් පත්කර ඇත.

මැතිවරණ කොමිෂන් සභාවේ සාමාජිකයන් ලෙස එම්. එම්. මොහොමඞ්, ගුණපාල වික‍්‍රමගේ, ජීවන් ත්‍යාගරාජා සහ කේ. පී. පී. පතිරණ යන මහත්වරුන් නම් කර ඇති අතර, සභාපතිවරයා ලෙස නිමල් ජී. පුංචිහේවා මහතා පත් කර ඇත.

රාජ්‍ය සේවා කොමිෂන් සභාවේ සාමාජිකයන් ලෙස ඉන්‍ද්‍රානි සුගතදාස, ලීලසේන ලියනගම, වෛද්‍ය ටී. ආර්. සී. රුබේරු, ඩයන් ගෝමස්, ඩබ්ලිව්. එම්. පියදාස, දිලිත් ජයවීර, හේමා ධර්මවර්ධන හා නිමල් කරුණාසිරි යන මහත්ම මහත්මීන් නම් කර ඇති අතර; සභාපති ලෙස විනිසුරු ජගත් බාලපටබැඳි මහතා පත් කර ඇත.

ජාතික පොලිස් කොමිෂන් සභාවේ සාමාජිකයන් ලෙස එස්. ලියනගම, සංජීව පතිරණ, එම්. එස්. එම්. සම්සුදීන් සහ පේ‍්‍රමසිරි ප‍්‍රනාන්දු යන අය පත්කර ඇති අතර; සභාපති ලෙස පත්කර ඇත්තේ හිටපු පොලිස්පතිවරයකු වන චන්‍ද්‍රා ප‍්‍රනාන්දු මහතාය.

මෙයට අමතරව මානව හිමිකම් කොමිෂන් සභාවේ නව සභාපති ලෙස ජගත් බාලසූරිය මහතා පත්කර ඇත. විජිත නානායක්කාර, චන්දන උඩවත්ත, හර්ෂ නවරත්න සහ කුමාර බලල්ල යන අය එහි සෙසු සාමාජිකයෝ වෙති.

අල්ලස් හෝ දූෂණ චෝදනා විමර්ශන කොමිෂන් සභාවේ නව සභාපති ලෙසට හිටපු විනිසුරු ඊවා වනසුන්දර මහත්මිය නම් කර ඇත. හිටපු විනිසුරුවරියක් වන දීපාලි විජේසුන්දර හා චන්‍ද්‍රා නිමල් වාකිෂ්ඨ යන අය එහි සෙසු සාමාජික / සාමාජිකාවෝ වෙති.

ඒෂියන් මිරර් වාර්තාවක් ඇසුරෙනි – තොරතුරු : https://am.lk/local-news/item/53896-5