ප‍්‍රධාන පුවත්

Covid-19 සදහා රුසියාවේ නිෂ්පාදිත Sputnik V එන්නත ලබාගැනීමට ස්වේච්ඡාවෙන් ඉදිරිපත් වූ 20,000කට ආසන්න පිරිසකට ලබා දීමෙන් අනතුරුව කරන ලද පර්යේෂණයන්හි ප්‍රථිඵල අනුව 95%ක සාර්ථකත්වයක් පෙන්නුම් කර ඇතැයි පර්යේෂකයින් වන මොස්කව් හි Gamaleya Center සඳහන් කරන අතර, රුසියානු සෞඛ්‍යය බළධාරීන් පවසන්නේ එන්නත ලබාගැනීම අනිවාර්‍ය්ය නොවන බවයි.

නුදුරේදීම, මෙම එන්නත රුසියාවෙන් පිටත රටවල් වල ප්‍රධාන එන්නත් නිෂ්පාදන සමාගම් තුළදී ද නිපදවා බෙදාහැරීමට දැනටමත් සැළසුම් කර ඇති බවත් 2021 වසරේදී බිලියනයකට අධික එන්නත් ප්‍රමාණයක් නිපදවීමට සැළසුම් කර ඇති බවත් මෙම එන්නතේ නිෂ්පාදන ආයෝජකයින් වන Russian Direct Investment Fund (RDIF), හි ප්‍රධානීන් සඳහන් කර සිටී.

ඒ අනුව ලොව පුරා මිලියන 500කට අධික ජනතාවකට එන්නත ලබාගැනීමට හැකිවන බවත් එන්නත් වාර දෙක සඳහාම ඔවුනට වැයවන්නේ ඩොළර් 20ක් වැනි මුදළක් පමණක් බවත් ඔවුන් ප්‍රකාශ කර සිටී.

එම මිළ, ඇමරිකානු නිෂ්පාදන දෙකක් වන Pfizer සහ Moderna එන්නත් දෙකෙහිම අනුමාන මිළ ගනන් වන ඩොළර් 39 සහ ඩොළර් 50-74 යන මිළ ගණන් හා සසඳා බැලීමේදී 50%කටත් වඩා අඩු මිළක් වන බව ද ඔවුන් වැඩිදුරටත් පවසා සිටී.

එමෙන්ම රුසියානුවන්ට මෙම එන්නත නොමිළයේ ලබාදීමට එරට සෞඛ්‍ය බළධාරීන් පියවර ගනු ඇති බවත්, ප්‍රථම තොගය 2021 ජනවාරි මසදී ජාත්‍යන්තර ප්‍රජාවට ලබාගැනීමට හැකිවනු ඇති බවත් ඔවුන් වැඩිදුරටත් ප්‍රකාශ කර සිටී.

ඇමරිකාවේ නිෂ්පාදිත Pfizer සහ Moderna එන්නත් දෙකද 95%ක සාර්ථකත්වයක් පෙන්වා ඇති බවට වන වාර්තා හොඳ ප්‍රවනතාවයක් වන අතර, රුසියාවද මෙම ගෝලීය වසංගතය තුරන් කිරීමේ ප්‍රධාන හවුල්කරුවෙකු වීමට මහත් උනන්දුවෙන් සහ කැපකිරීමෙන් වැඩ කිරීමට සූදානම් බව Russian Direct Investment Fund (RDIF). ප්‍රධාන විධායක නිළධාරී Kirill Dmitriev,වැඩිදුරටත් කරුණු දක්වමින් පවසා සිටී.

ඔහු තව දුරටත් පවසා සිටින්නේ මේ වනවිට ලොව පුරා මිලියන 59.4කට වෛරසය ආසාදිත වී මිලියන 1.4කට වැඩි පිරිසක් මියගොස් ඇති බවත් එන්නත් වෙළඳපොලෙහි තරඟකාරිත්වය.තීව්‍ර වෙමින් පවතින බවත්ය.

මේ දක්වා ලෝක සෞඛ‍ය සංවිධානයේ ලියාපදිංචි කර ඇත්තේ Sputnik V එන්නත පමණක් වන අතර, එය මුල් වරට අගෝස්තු මාසයේදී ලියාපදිංචි කළ අවස්ථාවේදී සිට බොහෝ බටහිර මාධ්‍ය විසින් එය හෙලාදකිමින් පහර ගසන ලද නමුත් ඒ කිසිවකින් නොසැලුනු රුසියානු බළධාරීන් එහි සාර්ථකත්වය අත්කරගනිමින් සිටී.

වැඩිදුර තොරතුරු සදහා පහත ලින්ක් එක බලන්න.
https://www.rt.com/russia/507705-sputnik-vaccine-billion-doses-price/



Leave a Reply

Your email address will not be published. Required fields are marked *

ප‍්‍රධාන පුවත්

AstraZeneca ලබා දීම 28 දා සිටම ආරම්භ කරනවා – රාජ්‍ය ඇමැති චන්න ජයසුමන

ලබන බදාදා (27) දින ඉන්දියාවෙන් මෙරටට ලැබීමට නියමිත ඔක්ස්ෆර්ඞ් ඇස්ට‍්‍රා සෙනෙකා (AstraZeneca) කොවිඩ් - 19 මර්ධන එන්නත ලබා දී...


Read More

“මානව හිමිකම්” දංගෙඩිය අළුතින් මුවහත් වෙයි?

“මානව හිමිකම් උල්ලංඝනය කිරීම් සම්බන්ධයෙන් විශ්වාසදායී චෝදනා ලැබ සිටින” ශ්‍රී ලාංකිකයින්ගේ වත්කම් තහනම් කිරීම සහ සංචාර තහනම් පැනවීම...


Read More

කොළඹ වරාය නැගෙනහිර පර්යන්තයේ “සටන”

කොළඹ වරායේ නැගෙනහිර පර්යන්තයේ ඇති වැදගත්කම සම්බන්ධයෙන් පසුගිය ජනවාරි 21වනදා සිරස රූපවාහිනී නාලිකාවේ "සටන" වැඩසටහනට සහභාගී වූ වෘත්තීය සමිත...


Read More