නැගෙනහිර පළාතේ 2008 වර්ෂයේ පමණ ක්‍රියාත්මක වූ ජිහාඩ් මතධාරී ආයුද සන්නද්ධ මුස්ලිම් කණ්ඩායම් 18න් එකක් මෙහෙයවනු ලැබුවේ නැගෙනහිර පළාත් හිටපු ආණ්ඩුකාර එම්.එල්.ඒ.එම්. හිස්බුල්ලා බව නැගෙනහිර පළාත් භාරව කටයුතු කළ විශ්‍රාමික නියෝජ්‍ය පොලිස්පති එඩිසන් ගුණතිලක පාස්කු ප්‍රහාරය පිළිබඳව විමර්ශනය කරන ජනාධිපති කොමිසම හමුවේ පැවැසීය.

හිටපු ආණ්ඩුකාර එම්.එල්.ඒ.එම්. හිස්බුල්ලාට අයත් කණ්ඩායමේ සාමාජිකයන් 17දෙනකු සිටි බවත් ඔවුන් සතුව ටී 56 ගිනි අවි 17ක් සහ ජීව අත්බෝම්බ 04ක් තිබූ බවත් විශ්‍රාමික නියෝජ්‍ය පොලිස්පතිවරයා පෙරේදා (23 වැනිදා) කොමිසම හමුවේ සඳහන් කළේය.

ජනාධිපති කොමිසම හමුවේ සාක්ෂි දෙමින් ඔහු වැඩිදුරටත් කියා සිටියේ 2009 ජූලි මස 04 වැනි දින මෙම ජිහාඩ් මතධාරි ආයුද සන්නද්ධ මුස්ලිම් කණ්ඩායම් 18ට තමන් සතු ආයුද භාරදෙන ලෙස නියෝග කළද, හිටපු ආණ්ඩුකාර එම්.එල්.ඒ.එම්. හිස්බුල්ලා මෙතෙක් එම නියෝගයට අනුව තම කණ්ඩායම සතු ආයුද භාරදීමට කටයුතු නොකළ බවයි.