පළාත් පාලන ආයතන 83ක් අලුතින් පිහිටුවීම සඳහා දිස්ත්‍රික් කමිටු පත්කර තිබෙන බව රාජ්‍ය සේවා, පළාත් සභා හා පළාත් පාලන කටයුතු පිළිබඳ අමාත්‍යාංශ උපදේශක කාරක සභාවේදී අනාවරණය විය. මෙම උපදේශක කාරක සභාව එහි සභාපති ජනක බණ්ඩාර තෙන්නකෝන් ඇමැතිවරයාගේ ප්‍රධානත්වයෙන් රැස්විය.
කොට්ඨාස ක්‍රමයෙන් පළාත් පාලන ආයතන සඳහා මන්ත්‍රීවරුන් පත් කිරීම ගැටලු සහගත බවත්, නව මැතිවරණ ක්‍රමය සමාලෝචනය කළයුතු බවටත් මෙහිදී මත පළ විය. අනවශ්‍ය ලෙස ප්‍රාදේශීය සභා මන්ත්‍රීවරයන් නඩත්තු කිරීමට සිදුවීම ගැටලුවක් වී ඇතැයිද රාජ්‍ය නිලධාරීන්ට පළාත් පාලන ක්‍රමයට ඇතුළුවීමට අවස්ථාව ලබාදීම සඳහා සාකච්ඡා කෙරෙමින් පවතින බවද ඇමැති ජනක බණ්ඩාර තෙන්නකෝන් කීවේය.
විශ්‍රාම වැටුප් නිසි වේලාවට ගෙවීම සඳහා කඩිනම් වැඩපිළිවෙළක් සකසන බවද මෙහිදී ඇමැතිවරයා සඳහන් කළේය. විශ්‍රාම ගන්නා රාජ්‍ය නිලධාරීන්ගේ සේවය නැවත රජයේ සේවයට ලබා ගැනීම සම්බන්ධවද අවධානය යොමු වූ අතර පළාත් සභා මැතිවරණය කඩිනමින් පැවැත්වීම සම්බන්ධයෙන් අගමැතිවරයාගේ උපදෙස් විමසා ඇති බව රාජ්‍ය අමාත්‍ය රියර් අද්මිරාල් සරත් වීරසේකර කාරක සභාවට දැනුම් දුන්නේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...