සති අන්ත ඉංග්‍රීසි පුවත්පතක් විසින් වාර්තාකොට ඇති පරිදි ඩොලර් 332,000 ක දූෂණයක් පිළිබඳව ඇමෙරිකානු අධිකරණයකදී පවත්වන නඩුවක විත්තිකරුව සිටින ඇමෙරිකාවේ හිටපු තානාප. සහ පසුගිය යහපාලන රජයේ විදේශ ලේකම් ප්‍රසාද් කාරියවසම් මහතා බේරා ගැනීම සඳහා වර්තමාන රජයේ ජනාධිපති ලේකම් පී.බී ජයසුන්දර මහතා උත්සහා දරා ඇත.

ශ්‍රී ලංකාවේ තානාපති කාර්යාලයට නිවසක් මිලදී ගැනීමේදී කොමිස් ලබා ගැනීමේ චෝදනාවට ලක්ව සිටින හිටපු තානාපතිට තවදුරටත් තානාපති මුක්තිය තිබෙන බව විදේශ අමාත්‍යංශය හරහා ඇමෙරිකානු රාජ්‍ය දෙපාර්තමේන්තුවට දන්වා යැවීම සඳහා එසේ පී.බී ජයසුන්දර මහතා මැදිහත් වී ඇති බව වාර්තා වේ.

පසුගිය 2017 වසරේදී ACSA ගිවිසුම අත්සන් කිරීමට සහ 2015 දී මානව හිමිකම් සමුළුවේ 30/1 යෝජනාවට පක්ෂවන ලෙසට ප්‍රසාද් කාරියවසම් මහතා ප්‍රභල බලපෑමක් සිදුකළ බවට පසුගිය කාලයේදී ඔහුට විරුද්ධව චෝදනා එල්ල විය.