අද (18) දිනයේදී කඳාන, කොළඹ 12 සහ කොළඹ 13 යන ප්‍රදේශවලින් කොවිඩ් ආසාදිත මරණ තුනක් තහවුරු වී ඇති බවත්, ඒ අනුව මෙරටින් මේ දක්වා වාර්තා වී ඇති කොවිඩ් මරණ ගණන 69ක් බවත් සෞඛ්‍ය සේවා අධ්‍යක්ෂ ජනරාල්වරයා පවසයි.

1. කඳාන ප්‍රදේශයේ පදිංචිව සිටි පුද්ගලයා 70 හැවිරිදිය. නිවසේදී ම මියගොස් ඇත. මරණයට හේතුව ලෙස දැක්වෙන්නේ කොවිඩ් -19 ආසාදනය සමග ඇතිවූ දියවැඩියා රෝගයේ සංකූලතා වේ.

2. කොළඹ 12 ප්‍රදේශයේ පදිංචිව සිටි 74 හැවිරිදි කාන්තාවකි. කොවිඩ් -19 ආසාදිතයෙක් ලෙස හඳුනාගෙන හෝමාගම මූලික රෝහලේ ප්‍රතිකාර ලබමින් සිටින අතර මියගොස් ඇත. අධික රුධිර පීඩනය,දියවැඩියාව සමග කොවිඩ් -19 ආසාදනය නිසා සිදුවූ පෙනහළු දුර්වලවීම මරණයට හේතුව ලෙස දක්වා ඇත.

3. අද වාර්තා වූ තෙවැනි මරණය කොළඹ 12 පදිංචි ව සිටි 48 හැවිරිදි කෙනෙකි. නිවසේදී මියගොස් ඇත. දියවැඩියා රෝගයේ සංකූලතා කොවිඩ් -19 ආසාදනය වීම නිසා උත්සන්න වීම මරණයට හේතුව ලෙස දැක්වේ.