ලංකා ලීඩ් වෙත විද්‍යුත් තැපෑල මඟින් තොරතුරු වාර්තා කරන මහජනයා ප්‍රශ්ණ කරන්නේ ඇමති බන්දුල කඩයකට ගොඩ වෙන්නේ නැතිද යනුවෙනි. ඔවුන් එවන තොරතුරු අනුව සීනි ආනයනකරුවන්ට වසරකට රු. මිලියන 33,000 ක බදු සහනයක් ලබා දී එම ආදායම රජයට අහිමිකොට ඇතත් වෙළඳුන් පාරිභෝගිකයාට සීනි විකුණන්නේ කි.ග්‍රෑම් 1 ක් රු. 138 කටය.

නමුත් පාරිභෝගික අධිකාරියේ ගැසට්ටුවට අනුව පැකට් නොකළ සීනි කි.ග්‍රෑම් 1 ක මිල රු. 85 ක් සහ පැකට් කළ සීනි කි.ග්‍රෑම් 1 ක මිල රු. 90 ක් විය යුුතුය.

ඒ අතර වී ගොවියාගේ සහ සහල් කර්මාන්තකරුවාගේ ගෙල සිරකරමින් කෘතිම ලෙස සහල් පාලන මිල රු. 95 ට නියම කොට ඇතත් වෙළඳසැල්වල නාඩු විකුණන්නේ රු. 110,113,115 වැනි මිල ගණන් වලටය.

ඇමතිලාට මොළේ කළඳක් තිබේනම් සැබෑ මිල රු. 110 ට නියම කොට ගොවියාට වී වලට රු. 60 ක් ගෙවිය හැකි බව මහජනයා කියති.