වී අලෙවි මණ්ඩලය සහ දිසාපතිවරුන් මැදිහත් වී මිලදී ගත් වී.මෙ.ටො 30,000 ක් සහල් කාට වෙළඳපොළට ඉදිරිපත් කිරීම මඟින් සහල් වෙළඳපොළේ සහල් හිඟයට මුහුණදීමට සූදානම්වන බව වාර්තා වේ.

ඒ පිළිබඳව අදහස් දක්වන ප්‍රධාන පෙළේ සහල් පිටි කර්මාන්තකරුවෙකු වන අරුණ බණ්ඩාර මහතා සඳහන් කරන්නේ එම ප්‍රමාණය වී බවට පත් කිරීම මඟින් ලැබෙන සහල් ප්‍රමාණය දළ වශයෙන් මෙ.ටො 20000 ක් බවත් එම ප්‍රමාණය දළ වශයෙන් දින 03 ක රටේ සහල් අවශ්‍යතාවය පිරිමැසීමට ප්‍රමාණවත් බවය.

සහල් වෙළඳපොළේ පැවතිය නොහැකි සහ සහල් කර්මාන්තකරුවන්ගේ සහ ගොවියාගේ ගෙල සිරකරන මෝඩ පාලන මිලක් පනවා සහල් වෙළඳපොළේ ඇතිකොට තිබෙන අවුල දින 03 ක සහල් වෙළඳපොළට නිකුත් කිරීම මඟින් විසඳිය නොහැකි බවද ඔහු පවසයි.