ශ්‍රී ලංකාවේ කොවිඩ්19 වෛරසය ආසාදනය හේතුවෙන් පුද්ගලයන් හතර දෙනෙකු මිය යාමත් සමඟ මේ වන විට මෙරට කොවිඩ්19 වෛරසය ආසාදනයෙන් මිය ගිය සංඛ්‍යාව 40 දක්වා ඉහළ ගොස් ඇත.

රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව එක් කාන්තාවක් සහ පිරිමි පුද්ගලයන් තිදෙනෙකු මෙසේ මරණයට පත්ව තිබූ බව පැවසේ.

අද මියගිය පුද්ගලයන් අතර රාජගිරිය ප‍්‍රදේශයේ වැඩිහිටි නිවාසයක විසූ 51 වියැති පුද්ගලයෙක් කොළඹ ජාතික රෝහලේදී මිය ගොස් ඇත්තේ කොවිඩ්19 වෛරසය ආසාදනයෙන් ඇති වූ නියුමෝනියා තත්වය හේතුවෙනි.

කොළඹ ජාතික රෝහලේදී මිය ගිය කොළඹ 10 ප‍්‍රදේශයේ පදිංචි 45 වියැති පුද්ගලයාගේ මරණයට හේතුව වී ඇත්තේ කොරෝනා ආසාදනයෙන් ඇති වූ පෙනහළු ආසාදනයකි.

ගම්පහ දිස්ත‍්‍රික් රෝහලේදී මිය ගම්පහ උඩුගම්පොල ප‍්‍රදේශයේ පදිංචි 63 වියැති කාන්තාවගේ මරණයට හේතුව කොරෝනා ආසාදනයෙන් ඇති වූ නිවුමෝනියා තත්වයය බව පැවසේ.

තවද වයස 55-60 අතර හදුනා නොගත් පිරිමි පුද්ගලයෙක් කොරෝනා ආසාදනයෙන් මිය ගොස් ඇති බවද රජයේ ප්‍රවෘත්ති දෙපාර්තමේන්තුව පවසයි.