නවගමුව වෑක්වත්ත පාරේ පිහිටි පෞද්ගලික කර්මාන්ත ශාලාවක සේවකයන් 78 දෙනකුගෙන් 28 දෙනකු කොවිඩ්19 වෛරසය ආසාදිත රෝගීන් බවට හඳුනාගෙන ඇතැයි නවගමුව මහජන සෞඛ්‍ය පරීකෂක කාර්යාලයේ ආරංචි මාර්ග සඳහන් කරසිටී. ඔවුන්ගෙන් 17 දෙනකුම ඉන්දීය ජාතිකයන් ලෙස වාර්තා වීම විශේෂත්වයකි.

කර්මාන්ත ශාලාවේ බලධාරීන් විසින් පෞද්ගලික සෞඛ්‍ය අංශ මගින් සිදුකළ පී.සී.ආර්. පරීක්‍ෂණවලදී සේවකයන් කීපදෙනකු කොවිඩ්19 වෛරස ආසාදිතයන් බවට හඳුනාගැනීමෙන් පසු ප‍්‍රදේශයේ සෞඛ්‍ය අංශ හා පොලිසිය දැනුවත් කිරීමෙන් පසුව කරන ලද පී.සී.ආර්. පරීක්‍ෂණයේදී මෙම රෝගීන් 28 දෙනා සොයාගෙන තිබේ.

එම තත්ත්වය යටතේ සේවකයන් සියළු දෙනා කර්මාන්ත ශාලාව තුළම නිරෝධායනයට ලක් කර ඇති බවද වාර්තාවේ. සේවකයන් අතරින් කොවිඩ්19 වෛරසය ආසාදිතයන් බවට හඳුනාගත් පිරිස ඊයේ (01 දා) කොස්ගම රෝහල වෙත යොමු කිරීමට කටයුතු කළ බව නවගමුව මහජන සෞඛ්‍ය පරීක්‍ෂකවරයා මාධ්‍යයට පවසා සිටියේය.