ශ්‍රී ලංකාවේ 18 වන ගුවන් හමුදාපති වරයා ලෙස එයාර් වයිෂ් මාර්ෂල් සුදර්ශන කාරගොඩ පතිරණ මහතා ජනාධිපති ගෝඨාභය රාජපක්ෂ මහතා විසින් පත් කර ඇති බව වාර්තා වේ. නොවැම්බර් 02වෙනිදා සිට බල පැවැත්වෙන පරිදි ඒ මහතා ගුවන් හමුදාපති වරයා ලෙස කටයුතු කිරීමට නියමිතය.

මහනුවර ධර්මරාජ විද්‍යාලයේ ආදි ශිෂ්‍යයෙකු වන සුදර්ශන කාරගොඩ මහතා 1985 දී ශ්‍රී ලංකා ගුවන් හමුදාවට බඳවා ගත් 14 වන කැඩෙට් කණ්ඩායමේ සාමාජිකයෙකි.

එසේම ඔහු 14වන කණ්ඩායමේ හොඳම කැඩෙට් නිළධාරියාට හිමි සම්මානයට හිමිකම් කීමට සමත් වූවේය. අමෙරිකාවේ ඇලබාමා විශ්ව විද්‍යාලයෙන් මෙන්ම කොතලාවල ආරක්ෂක විද්‍යා පීඨයෙන්ද උසස් උපාධි හදාරා ඇති ඒ මහතා 2017 වර්ෂයෙ සිට 2019 වර්ෂය දක්වා ගුවන් මෙහෙයුම් අධ්‍යක්ෂකවරයා ලෙස කටයුතු කළේය. එසේම 2019 වර්ෂයේ සිට 18 වන ගුවන් හමුදාපති වරයා ලෙස පත්වීම් ලබන තෙක් ආරක්ෂක මාණ්ඩලික ප්‍රධානියා ලෙස කටයුතු කළේය.