ජනාධිපති ගෝඨාභය රාජපක්ෂ මහතා හා ආණ්ඩුවේ මැති ඇමැතිවරුන් අතර ඊයේ (21) රාත්‍රීයේ පැවැති අතිවිශේෂ සාකච්ජාව කිසියම් එකගතාවයකින් යුතුව අවසන් වී ඇති බව දැනගන්නට තිබේ.

මෙම සාකච්ජාවට අමාත්‍යවරුන් වන වාසුදේව නානායක්කාර, විමල් වීරවංශ, උදය ගම්මන්පිල මෙන්ම ආණ්ඩුවේ මන්ත්‍රීවරුන් වන විජයදාස රාජපක්ෂ, අසංක නවරත්න, වීරසුමන වීරසිංහ සහ ටිරාන් අලස් යන මහත්වරුන් සහභාගී වී සිට ඇති බව දැනගන්නට තිබේ.

මෙහිදී දැනට අර්බූදයකට ලක්ව ඇති ද්විත්ව පුරවැසිභාවයේ වගන්තිය සම්බන්ධයෙන් පිරිස අතර දීර්ඝව අදහස් හුවමාරු වී ඇති බව වාර්තා වේ.

එම සාකච්ජාවේදී ජනාධිපතිවරයා ඒ සම්බන්ධයෙන් යම් ධනාත්මක ප්‍රතිචාරයක් දක්වා ඇති බවක්ද දැනගන්නට ඇත.

කෙසේවෙතත් මෙම සාකච්ජාවේ ප්‍රතිපල සම්බන්ධයෙන් අද (22) පෙරවරු 10.30ට වාසුදේව නානායක්කාර, විමල් වීරවංශ, උදය ගම්මන්පිල සහ වීරසුමන වීරසිංහ යන මහත්වරුන් ප්‍රවෘත්ති සාකච්ජාවක් කැදවා රටට කරුණු කීමට සැලසුම් කර ඇති බවද දැනගන්නට තිබේ.