ශ්‍රී ලංකාවේ ඉතිහාසයේ සිනිවලට ලබා දුන් ඉහළම බදු සහනය වන කි.ග්‍රෑම් 1 කට රු. 55 ක් බදු සහනය ලබා දී ඇත්තේ මහා පරිමාණ සීනි සහ ෆාම් තෙල්, පොල් තෙල් ආනයන කරුවෙකුගේ උවමනාව මත භාණ්ඩාගාර නිලධාරීන් පිරිසකගේ එකඟතාවයෙන් බවට විවිධ පාර්ශව වලින් චෝදනා එල්ල වේ.

චෝදනාවට ලක්ව සිටින සමාගම බදු සහනය ලබා දෙන විට සීනි මෙ.ටො 8000 ක් රේගු පාලනයට යටත් ගුදම් වල ගබඩා කොට ගෙන සිටින බවත් බදු සහනය ලබා දුන් විගස එම සහන යටතේ සත 25 ක බද්දක් පමණක් ගෙවා ඒවා නිදහස්කර ගත් බව අපනයන කරුවන්ගේ සංගමයේ සභාපති පැරකුම් අබේසේකර මහතා පවසයි.

එම කූඨ බදු වංචාව මඟින් එම සමාගමට ලැබෙන අමතර ලාභය රු. මිලියන 440 කි. බදු ගෙවා ආනයනය කළ සීනි තොග රට තුළ තිබෙන බැවින් බදු සහනය මහජනයාට ලබාදිය නොහැකි බව ආනයන කරුවන්ගේ සංගමය පවසයි.

ඉන්දියාවේ සීනි මෙ.ටො මිලියන 6 ක අතිරික්ත නිෂ්පාදනයක් තිබෙන තත්වයක් යටතේ මෙම බදු සහනය ලබා දෙන්නේ දූෂිත අරමුණකින් බව ඔවුහු පවසති.