ව්‍යාපාරික පුවත්

ශ්‍රී ලංකාවේ ඛනිජ ආශ්‍රිත කර්මාන්ත ප්‍රවර්ධනය පිණිස තාක්ෂණ දැනුම සහ සහයෝගය ලබා දීමට තම රජය සූදානම් බව මෙරට ඉරාන තානාපති හෂීම් අෂ්ජසාඬේ මහතා පවසයි.

අද (14) 73/1, ගාලු පාර, කොළඹ 03 යන ස්ථානයේ පිහිටි කර්මාන්ත අමාත්‍යාංශයේ දී කර්මාන්ත අමාත්‍ය විමල් වීරවංශ මහතා හමු වූ අවස්ථාවේ දී ඒ මහතා එසේ පැවසීය.

ශ්‍රී ලංකාවේ කර්මාන්ත ක්ෂේත්‍රයේ ප්‍රවර්ධනය පිණිස තාක්ෂණික සහයෝගය ලබා දීමට හැකි බවත් ඒ සඳහා ඉරාන රජය සහ ආයෝජකයන් සූදානමින් සිටින බවත් තානාපතිවරයා මෙම හමුවේ දී පැවසූ අතර අමාත්‍ය විමල් වීරවංශ මහතා එහි දී සඳහන් කළේ ඉරානය ලොව ප්‍රමුඛ පෙළේ ඛනිජ තෙල් සැපයුම්කරුවකු ලෙස කැනීම් හා ඛනිජ ද්‍රව්‍ය ආශ්‍රිත කර්මාන්තයන්හි සුවිශාල දැනුම් සම්භාරයක් අත්පත් කරගෙන ඇති බැවින් මෙරට ඛනිජ ආශ්‍රිත කර්මාන්ත වැඩි දියුණු කිරීමට මැදිහත් වන ලෙස ය. එහි දී ඉරාන තානාපතිවරයා ඉහත අදහස් පළ කළේය.

ඇමරිකා එක්සත් ජනපද සම්බාධක හමුවේ ඉරාන ජනතාව පත්ව ඇති අපහසුතා පිළිබඳව සිය කනගාටුව පළ කර සිටි විමල් වීරවංශ අමාත්‍යවරයා, එසේ තිබිය දී පවා ඉරානය සෑම දුෂ්කර අවස්ථාවකදීම ශ්‍රී ලංකාව වෙනුවෙන් පෙනී සිටීම පිළිබඳව සිය කෘතඥතාව පළ කර සිටියේය.
ශ්‍රී ලංකාව තුළ රාජ්‍ය අංශය හෝ පෞද්ගලික අංශය සමඟ ඒකාබද්ධව කර්මාන්ත ඇරඹීමේ ඉඩකඩ ඉරාන ආයෝජකයන්ට සලසා දිය හැකි බවත් ඒ සඳහා ඇරයුම් කර සිටින බවත් කර්මාන්ත අමාත්‍යවරයා විමල් වීවරංශ මෙහි දී වැඩිදුරටත් සඳහන් කළේය.

ශ්‍රී ලංකාවට ආයෝජන රැගෙන විත් කර්මාන්ත ආරම්භ කිරීම, ඉන්දියාව, පාකිස්ථානය හා බංගලාදේශය වැනි රටවල් සමඟ පවතින නිදහස් වෙළඳ ගිවිසුම් යටතේ සිදු කළ හැකි නම් එම ඉරාන – ශ්‍රී ලංකා ඒකාබද්ධ කර්මාන්තවල නිෂ්පාදන ‘මේඞ් ඉන් ශ්‍රී ලංකා’ සන්නාමය යටතේ ඉහත රටවලට අලෙවි කිරීමේ හැකියාව පවතින බවත් එසේ සිදුකොට ශ්‍රී ලංකාවේ කර්මාන්ත ක්ෂේත්‍රයට රුකුලක් වීමට තම රට සූදානම් බවත් මෙහි දී ඉරාන තානාපතිවරයා වැඩිදුරටත් පැවසීය.

මෙම අවස්ථාවට ඉරාන තානාපති කාර්යාලයේ ආර්ථික හා රාජ්‍යතාන්ත්‍රික සබඳතා අංශයේ ප්‍රධානී කේ සොහෙයිල්, අමාත්‍ය උපදේශක සුනිල් හෙට්ටිආරච්චි, ජාතික ව්‍යවසාය සංවර්ධන අධිකාරියේ සභාපති / අධ්‍යක්ෂ ජනරාල් අනුෂ්ක ගුණසිංහ යන මහත්වරු ද එක්ව සිටියහ.

අනුරුද්ධ බණ්ඩාර රණවාරණ,



Leave a Reply

Your email address will not be published. Required fields are marked *

ප‍්‍රධාන පුවත්

‘ද්විත්ව පුරවැසි බාධකය’ ඉවත් කෙරෙන 20 වැනි සංශෝධනයේ වගන්තිය තවමත් ඉතිරිව තිබීම පිළිබඳව අපිට සතුටු වීමට බැහැ – අමාත්‍ය විමල් වීරවංශ

  ‘ද්විත්ව පුරවැසි බාධකය’ ඉවත් කෙරෙන 20 වැනි සංශෝධනයේ වගන්තිය තවමත් ඉතිරිව තිබීම පිළිබඳව සෑහීමකට පත් විය නොහැකි බවත් එම වගන්තිය ඉ...


Read More

20ට එරෙහි මහජන විරෝධය හේතුවෙන් ආණ්ඩුව පස්ස දොර විවෘත කිරීමේ නිර්ලජ්ජිත උත්සහායක-ජාතික සංවිධාන එකමුතුව

මහජන විරෝධයට හිස නමා 20 වන ආණ්ඩුක්‍රම ව්‍යවස්ථා සංශෝධනයට යම් යම් සංශෝධන ඉදිරිපත් කරන බවට ඊයේ දිනයේදී(19) අමාත්‍යය මණ...


Read More

ජනතා ආශිර්වාදය නැතිව 20 සම්මත කිරීම පරාජයක් – මැදගොඩ අභයතිස්ස හිමි

ජනතා ආශිර්වාදය නොමැතිව විසි වැනි ව්‍යවස්ථා සංශෝධනය සම්මත කළත් එය ජයග‍්‍රහණයක් නොව පරාජයක් වන අතර අඩුපාඩු සකස් කරගෙන ...


Read More