ෆාම්තෙල් සඳහා පනවා ඇති ආනයන බද්දට වඩා පොල් තෙල් සඳහා පනවා ඇති බදු මුදල අඩු නිසා එය ඉහළ දමා ගැනීමේ සැලැසුමක් පිළිබඳ තොරතුරු වාර්තා වේ. ෆාම් තෙල් ලීටරයක් සඳහා රුපියල් 250ක බද්දක්ද, ආනයනික පොල් තෙල් සඳහා රුපියල් 150ක බදු මුදලක් අය කරයි.

ඒ අනුව පොල්තෙල් සඳහා පනවා ඇති රුපියල් 150ක බද්ද රුපියල් 290ක් දක්වා වැඩි කරන ලෙසට ප්‍රබල ඇමැතිවරයකුලෙන් ඉල්ලා ඇති බව වාර්තා වේ.

එහිදී ඔවුන් පෙන්වා දී ඇත්තේ දේශීය පොල් තෙල් නිෂ්පාදකයන් අධෛර්යමත් වන නිසා බදු මුදල වැඩි කරන ලෙසටයි.

කෙසේ වෙතත් දීර්ඝ කාලයක සිට ෆාම් තෙල්වලට පොල් තෙල් කලවම් කිරීමේ ජාවාරමක් සිදු වීම නිසා එහි බදු මුදල වැඩිකර පොල් තෙල් ආනයනයට අවස්ථාව ලබා දී ඇත.

මෙම තත්ත්වය මත පිලිපීනය, ඉන්දුනීසියාව, ආදී රටවලින් හොඳ තත්ත්වයේ පොල් තෙල් ආනයනය කිරීම නිසා පොල් හිඟය මධ්‍යයේ වුවද පොලේතෙල් මිල ඉහළ නොගොස් පවතී. මෙම තත්ත්වය ෆාම් තෙල් අලෙවියට බලපා ඇති නිසා පොල්වල කුරුට්ට රත්කර ඊට කලවම් කර පොල් තෙල් බව හඟවා අලෙවි කරන බවට තොරතුරු වාර්තා වේ.