ආණ්ඩුව සමඟ එක්වීමට තමන් අදහස් කර නැතැයි පාර්ලිමේන්තු මන්තී‍්‍ර රිෂාඞ් බදියුදීන් මහතා සමගි ජනබලවේගයේ පාර්ලිමේන්තු මන්තී‍්‍ර කණ්ඩායම් රැස්වීමේදී ප්‍රකාශ කර තිබේ.
මහින්ද රාජපක්‍ෂ මහතා අගමැති වූ දින 52 ආණ්ඩුවට පවා නොගොස් රනිල් වික‍්‍රමසිංහ මහතා සමඟ තමා සිටි බවත් මේ අවස්ථාවේදී ද සජිත් පේ‍්‍රමදාස මහතා සමඟ සමගි ජනබලවේගයේ තවදුරටත් සිටින බවද මන්ත්‍රීවරයා සඳහන් කර තිබේ.
ඔහු මේ බව සඳහන් කර ඇත්තේ පාර්ලිමේන්තු කමිටු ශාලාවේදී පෙරේදා පැවති කණ්ඩායම් රැස්වීමේදී ය.
පාස්කු ප‍්‍රහාරය සම්බන්ධයෙන් තම සහෝදරයාට එරෙහිව චෝදනා එල්ල වුවත් ඒවා ඔප්පු කිරීමට සාක්‍ෂි කිසිවක් නැතැයි ද එලෙස සාක්‍ෂි තිබේ නම් තමාව සහ සහෝදරයා අත්අඩංගුවට ගැනීමට කිසිදු බාධාවක් නැතැයි ද මෙහිදී පවසා ඇත.
තමන් ආණ්ඩුව සමග එක්වන බවට සහ ජාතිවාදී නායකයන් ඉදිරියේදී ආණ්ඩුවට එක්වනු ඇතැයි සමඟි ජනබලවේගයේ ජාතික සංවිධායක තිස්ස අත්තනායක මහතා මාධ්‍ය හමුවකදී කර ඇති ප‍්‍රකාශය මෙහිදී රිෂාඞ් බදියුදීන් මහතා දැඩි ලෙස කනගාටුව පළ කරමින් තිස්ස අත්තනායක මහතාට චෝදනා එල්ල කර තිබේ.
එහිදී විපක්‍ෂ නායක සජිත් පේ‍්‍රමදාස මහතා පවසා ඇත්තේ සාක්‍ෂි නොමැති නම් සැකකරුවකු නිදහස් කිරීම ගැටලූවක් වශයෙන් තමා දකින්නේ නැති බවය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...