20 වෙනි සංශෝධනය සම්බන්ධයෙන් අග්‍රාමාත්‍ය මහින්ද රාජපක්ෂ මහතා විසින් පත්කරන ලද කමිටුවේ නිර්දේශයන් පාර්ලිමේන්තු කාරක සභා අවස්ථාවේදී ඇතුළත් කරන බව අගමැති මහින්ද රාජපක්‍ෂ මහතා පවසා ඇතැයි අමාත්‍ය විමල් වීරවංශ මහතා සඳහන් කරයි.

අගමැතිවරයා විසින් පත්කරන ලද කමිටුව ඔහුගේම ප්‍රධානත්වයෙන් රැස්වී ඔහු ඉදිරියේදීම අවසාන නිගමනයට පැමිණි බවද වීරවංශ මහතා පැවසීය.

ඒ අනුව අවසානයේ දී කමිටුව එකඟ වූ නිගමනයන්ට කාරක සභා අවස්ථාවේදී සංශෝධන ගෙන එන බව අග්‍රාමාත්‍යවරයා ප්‍රසිද්ධියේ ප්‍රකාශ කර ඇතැයිද ඇමතිවරයා සඳහන් කළේය.

20 වන සංශෝධන පනත් කෙටුම්පතට පාර්ලිමේන්තුවේ දී ඉදිරිපත් කරන සංශෝධන සම්බන්ධයෙන් මාධ්‍යවේදීන් කළ විමසීමකදී වීරවංශ මහතා මෙම අදහස් පල කරන ලදී.

https://www.facebook.com/NewsfirstSL/videos/315209826445076/?t=1