බූස්ස බන්ධනාගාරයේ විශේෂ අංශයේ රඳවා සිටින රැඳවියන් 45 දෙනා අතරින් රැඳවියන් 39 දෙනෙකු ඉල්ලීම් කිහිපයක් මුල් කර ගනිමින් අද උදෑසන සිට ආහාර වර්ජනයේ යෙදී ඇතැයි අපගේ බන්ධනාගාර ආරංචි මාර්ග පවසයි.

ඔවුන් ඉදිරිපත් කරන ඉල්ලීම් වන්නේ, රැඳවියන් බැලීමට කාන්තාවන් පිරිමි නිළධාරීන් ඉදිරියේ පරීක්ෂාවට ලක් කිරීම අත් හිටවීම, කොරෝනා වෛරසය හේතුවෙන් ඥාතීන් හමුවීමට නොහැකි වීම පිළිබඳව සලකා බලා ලබා දී තිබූ දුරකතන පහසුකම් අත් හිටවීම නැවත ලබා දීම,ආපන ශාලාවෙන් අමතර ආහාර සහ වෙනත් ද්‍රව්‍යය මිළදී ගැනීම වෙනුවෙන් ලබා දෙන රුපියල් 8000.00 ක මුදල ඉහළ නැංවීම සහ නීතිඥයන් හමුවීමට ලබා දෙන විනාඩි 30ක කාලය පැය දක්වා දීර්ඝ කිරීම ආදී ඉල්ලීම් බව වාර්තා වේ.