ටෙස්ට් තරග දෙකක්, එක්දින තරග 5ක් හා එක් විස්සයි-20 තරගයක් සඳහා දකුණු අප්‍රිකානු ක්‍රිකට් කණ්ඩායම එළැඹෙන ජූලි 4 වැනිදා ශ්‍රී ලංකාවට පැමිණීමට නියමිතය.

වසර 4කට පමණ පසු ශ්‍රී ලංකාවේ සංචාරයක නියැළෙන දකුණු අප්‍රිකානු කණ්ඩායම අවසන් වරට එනම් 2014 වසරේදී ටෙස්ට් තරග දෙකකට හා එක්දින තරග තුනකට සහභාගි වී තිබූ අතර, ටෙස්ට් තරගාවලිය 1-0කින් හා එක්දින තරගාවලිය 2-1කින් ඔවුන් ජයගෙන ඇත.

දෙරට අතර පැවැත්වෙන ටෙස්ට් තරගාවලිය ජූලි 12 වැනිදා සිටත්, එක්දින තරගාවලිය ජූලි 29 වැනිදා සිටත් ආරම්භ වන අතර, එකම විස්සයි-20 තරගය අගෝස්තු 14 වැනිදා ප්‍රේමදාස පිටියේදී පැවැත්වීමට නියමිතව තිබේ.

කෙසේ වෙතත් ශේ්‍රණි ලකුණු 117ක් ලබා සිටින දකුණු අප්‍රිකානුවන් මේ වනවිට ටෙස්ට් ශේ්‍රණිගත කිරීම්හි 2 වැනි ස්ථානයේ රැඳී සිටින අතර, ශේ්‍රණි ලකුණු 95ක් ලබා ශ්‍රී ලංකා කණ්ඩායම 6 වැනි ස්ථානයේ පසුවෙයි.

තරග සටහන

ජූලි 12-16 පළමු ටෙස්ට් තරගය – ගාල්ලේදී
ජූලි 20-24 දෙවැනි තරගය _ එස්.එස්.සී. පිටියේදී
ජූලි 29 හා අගෝ. 01 පළමු හා දෙවැනි එක්දින තරග _ දඹුල්ලේදී
අගෝ. 5 හා 8 තෙවැනි හා සිවුවැනි එක්දින තරග – පල්ලෙකැලේදී
අගෝ. 12 අවසන් එක්දින තරගය _ ආර්. ප්‍රේමදාස පිටියේදී
අගෝ. 14 _ විස්සයි-20 තරගය _ ආර්. ප්‍රේමදාස පිටියේදී