මෙවර පාර්ලිමේන්තු මැතිවරණයේදී ඡන්දය දැමීමේ ප්‍රතිශතය 71% දක්වා අඩු වී ඇත. කුරුණැගල වැනි දිස්ත්‍රික්ක වල එය 65% දක්වා අඩු වී ඇත.

විවිධ පාර්ශව ඊට අදාළව විවිධ හේතු සහ මත ඉදිරිපත් කරති. එවැනි එක් මතයකට අනුව කුරුණැගල ප්‍රතිශතය බෙහෙවින් අඩු වන්නේ බුවනෙකබාහු රාජ මණ්ඩපය ලෙස සැලකෙන පුරාවස්තු විනාශය පිළිබඳව නීතිමය පියවර නොගැනීම නිසාය.

කෙසේ වෙතත් 2015 ජනාධිපතිවරණයේ ඡන්දය දැමූ ප්‍රතිශතය 81% වන විට 2015 අගෝස්තු පාර්ලිමේන්තු මැතිවරණයේ එම ප්‍රතිශතය 77% දක්වා 4% කින් අඩු විය.

නමුත් 2019 ජනාධිපතිවරණයේදි 83% ක් වූ ඡන්දය දැමීමේ ප්‍රතිශතය 2020 පාර්ලිමේන්තු මැතිවරණයේදී 71% ක් දක්වා 12% කින් අඩුවීම විශේෂ තත්වයකි. ඊට අදාළ පැහැදිලි කිරීම් විශාල පරාසයක පවතින බව ලංකා ලීඩ් වෙත අදහස් දක්වන පිරිස් අනුව පැහැදිළි වේ.