ගෙවුණු වසර 20 තුළ සංස්කෘතික ඇමතිවරුන් 14 දෙනෙකු සිට ඇති බව අනාවරණය වේ.

ඒ ජනාධිපතිවරයාගේ ප්‍රධානත්වයෙන් පැවති බෞද්ධ උපදේශන සභා රැස්වීමේදීය. සෑම මසකම තුන්වෙනි සතියේදී මෙම රැස්වීම පැවැත්වේ.

එහිදී මෙම හෙළිදරව්ව කර තිබෙන්නෙ පූජ්‍ය වෙඩරුවේ උපාලි අනුනාහිමියන් විසිනි. ඒ අනුව සෑම වර්ෂ එකහමාරකටම වරක් සංස්කෘතික අමාත්‍යවරයා වෙනස් වී ඇති බවද උන්වහන්සේ එහිදී පෙන්වා දී තිබේ.

2000 සිට මේ දක්වා මැතිවරණ 05ක් පවත්වා ඇති අතර ඉන් ආණ්ඩු 07ක් නිර්මාණය වී තිබේ.