මුල්ලේරියාව අයි.ඩි.එච් රෝහලේ ප්‍රතිකාර ලබමින් සිට රෝහලෙන් පලා ගිය රෝගියා කොරෝනා ආසාදිතයෙක් බවට තහවුරු වී තිබේ.

කෙසේවෙතත් මේ වන විට එම ආසාදිතයා සොයා ගැනීම සඳහා යුද හමුදා කණ්ඩායම් කිහිපයක් යොදවා ඇතැයි යුද හමුදාපති ලුතිතන් ජෙනරාල් ශවේන්ද්‍ර සිල්වා මහතා පවසයි.

එම ආසාදිතයා අද (24) අලුයම රෝහලෙන් පලාගොස් ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී ජාලිය සේනාරත්න මහතා සඳහන් කළේය.

අදාළ පුද්ගලයා මත්ද්‍රව්‍යවලට දැඩි ලෙස ඇබ්බැහි වී සිටි අපරාධ සඳහා අවශ්‍යව සිටි පුද්ගලයෙකු බව ද පොලීසිය සඳහන් කළේය.

මෙම පුද්ගලයාගේ වම් කකුලේ ආබාධයක් පැවතීම හේතුවෙන් ඇවිදින විට කොරගසන පුද්ගලයෙකු වන අතර මොහු සොයා ගැනීම සඳහා පොලීසිය මහජන සහය අපේක්ෂා කරයි.

මෙලෙස පළාගොස් ඇත්තේ 41 හැවිරිදි ත්‍රිකුණාමලය වල්ලිමරම් ප්‍රදේශයේ පදිංචි එල්සියාම් නසීම් නමැති පුද්ගලයෙකු බව සඳහන්ය.

මෙම පුද්ගලයා ගැන දන්නා අයෙකු පහත සඳහන් දුරකථන අංක වෙත දැනුම් දෙන ලෙස ඉල්ලා සිටිමි.
119
0718591017
0718592290
0718591864