“නොවැම්බර් 16 ජාතික ව්‍යාපාරය” නමින් බිහිවී ඇති සියළු දෙනා සාමාජිකයින් සහ නායකයින් ලෙස සැලකෙන නවතම මෙහෙයුමක් ආරම්භ වී ඇති බව මහාචාර්ය පූජ්‍ය මැදගොඩ අභයතිස්ස ස්වාමීන්ද්‍රයන් වහන්සේ සඳහන් කරයි.

ඡන්දය දීමට පෙර පාලකයින් සමඟ ගිවිසුමක් ඇති කර ගත යුතු බවත් එම ගිවිසුම අද දින (16 දින) මේ මොහොතේ, තුම්මුල්ල සම්බුද්ධත්ව ජයන්ති මන්දිරයේදී  එළිදක්වු බව උන්වහන්සේ සඳහන් කරයි.

ජාතික විද්වත් භික්ෂු සංසදය,  ගෝලීය ශ්‍රී ලාංකික සංසදයේ විධායක සභාව වැනි සංවිධාන රාශියක් විසින් අනුග්‍රහය දක්වන එම ක්‍රියාවලියට නිකාය ත්‍රිත්වයේම අනුනායක හිමිවරුන් මෙන්ම රටේ ප්‍රධාන පෙළේ භික්ෂු නායකත්වය සහභාගීවී ඇති බව උන්වහන්සේ සදහන් කළේය.

සියළුම නිරෝධායන නීති වලට අනුව පැවැත්වෙන එම සමාජ ගිවිසුම එළිදැක්වීමේ අවස්ථාව මහජනයාට විවෘත බව ද සඳහන් වේ.

සමාජ ගිවිසුම එළිදැක්වීමේ උත්සවයේ සජීවි විකාශය….තුම්මුල්ල සම්බුද්ධත්වජයන්ති මන්දිරයේ සිට…..