රුසියානුවන් අදියර වශයෙන්, තම විදේශ ගමන් ආරම්භ කිරීමට කටයුතු සූදානම් කර ඇත. මේ අනුව ජාත්‍යන්තර ගුවන් ගමනාගමනය නැවත ආරම්භ කිරීම අදියර දෙකකින් සිදුවනු ඇත.

ප්‍රථම වටය සදහා බලධාරීන් විසින් රටවල් 13 පමණක් තෝරා ගෙන ඇති අතර , දකුණු ආසියා සහ මැදපෙරදිග කලාපයෙන් ශ්‍රී ලංකාව පමණක් තම සංචාරකයන්ට විවෘත කරන බව එම නිවේදනයේ දැක්වේ.

පළමු අදියරේදී රුසියාවේ සිට යුරෝපීය රටවල් නවයකට මෙන්ම චීනය, මොන්ගෝලියාව, වියට්නාමය සහ ශ්‍රී ලංකාව වෙත ගුවන් ගමන් සඳහා අවසර දීමට විශේෂඥයන්  එකඟ වී තිබේ. නමුත් ගුවන් ගමනාගමනය නැවත ආරම්භ කිරීමේ, ආරම්භක දිනයක් තවමත් පැහැදිලි නැත.  එයට හේතුව වී ඇත්තේ එම විදේශීය රටවලට රුසියානුවන්ට ඇතුල්වීමට හෝ පියාසර කිරීමට ඉඩ දීම ඔවුන්ගේ තීරණය මත සිදුවන බැවිනි. කෙසේ නමුත් අගෝස්තු 1 සිට රුසියානු බලධාරීන් හට ජාත්‍යන්තර සන්නිවේදනයේ පළමු අදියර විවෘත කළ හැකි වනු ඇති බවට අපේක්ෂා කරයි.  එම යුරෝපීය රටවල් නවයට ජර්මනිය , පින්ලන්තය,නෝර්වේ , ඩෙන්මාර්කය,පෝලන්තය , හන්ගේරියාව, ඉතාලිය හා මහා බ්‍රිතාන්‍ය සහ නෙදර්ලන්තය ඇතුලත්‍ ය.

රුසියාවේ විශාලතම  ගුවන් තොටුපලක් වන Sheremetyevo ජුලි 27 සිට ජාත්‍යන්තර පර්යන්තයන් හි මෙහෙයුම් කටයුතු නැවත ආරම්භ කිරීමට සැලසුම් කිරීම යහපත් පෙරනිමිත්තක් ලෙස එරට වෙළඳ පොළ සහභාගිවන්නන් දකී.  ගුවන්තොටුපලේ කාර්ය මණ්ඩලයට අනුව, ජාත්‍යන්තර ගුවන් ගමන් සඳහා ඔවුන් සම්පූර්ණයෙන්ම සූදානම් බව කියැවේ.

ඒ අතරම, ගුවන් ගමන් නැවත ආරම්භ කළ හැක්කේ එක් එක් රටවල් අතර ගුවන් ගමන් ක්‍රියාත්මක වන විට එහි දේශසීමා විවෘත කිරීමෙන් පසුව පමණි.  එනම්, රුසියාවට එම රටවල් වල බලධාරීන්ගේ අනුමැතියකින් තොරව ඒකපාර්ශ්විකව නැවත ගුවන් ගමන් ආරම්භ කළ නොහැක. ඊට අමතරව, පැමිණෙන රට තුළ නිරෝධායනය කිරීමේ අවශ්‍යතාවය හේතුවෙන් ගුවන් ගමන් අතිශයින් දුෂ්කර වනු ඇති බවට මත පළ කර ඇත.

මූලාශ්‍ර news.mail.ru

සබැදි පුවත් –

බ්‍රිතාන්‍ය සංචාරකයන්ට තවදුරටත් ලංකාව තහනම්