විදේශ පුවත්

පසුගියදා පකිස්තානයේ කරච්චි නුවර පිහිටි පකිස්තාන “කොටස් වෙළඳ පොළ” පරිශ්‍රයට එල්ලවු ත්‍රස්ත ප්‍රහාරය ඉන්දියානු ඔත්තු සේවා විසින් මෙහෙය වූවක් බව පකිස්තානු අගමැති ඉම් රාන් ඛාන් මහතා පවසන බව විදෙස් මාධ්‍යය වාර්තා කර සිටී.

කෙසේ වුවද ඉන්දියානු බලධාරීන් පකිස්තානු අගමැතිවරයාගේ චෝදනාව තරයේ ප්‍රතික්ෂේප කරන බව මාධ්‍යය වාර්තා කර සිටී.

ජූනි 29 වනදා එරට වේලාවෙන් දහවල් 10.00ට පමණ එල්ලවූ ත්‍රස්ත ප්‍රහාරය සේවය නිමවී යන පොලිස් නිළධාරීන් ලෙස වෙස් වලාගත් ත්‍රස්තයන් පිරිසක් “කොටස් වෙළඳ පොළ” පරිශ්‍රයට ඇතුළු වී එල්ල කර ඇති බව පකිස්තානු ආරක්ෂක අංශ පවසයි. ප්‍රහාරය සඳහා ත්‍රස්තයන් හතර දෙනෙකු සහභාගි වී ඇති අතර ග්‍රේනේඩ් සහ ඒ.කේ 47 වර්ගයේ ප්‍රහාරක අවි යොදාගෙන ඇත.

 

ප්‍රහාරය හේතුවෙන් පකිස්තානු පොලිස් නිළධාරියෙකු සහ “කොටස් වෙළඳ පොළ” පරිශ්‍රයේ ආරක්ෂවට සිටි නිළධාරීන් දෙදෙනෙකු මියගොස් ඇත. සිවිල් වැසියන් හත්දෙනෙකුද තුවාල ලබා ඇත. කෙසේ වුවද ප්‍රහාරකයන් සියළු දෙනාවම ඝාතනය කිරීමට පකිස්තානු ආරක්ෂක අංශ සමත් විය.ප්‍රහාරය බලුකිස්ථාන විමුක්ති හමුදාව විසින් භාර ගෙන ඇත.

2000 වර්ෂයේදී නිර්මාණය කරන ලද බලුකිස්තාන විමුක්ති හමුදාව පකිස්තානයේ වයඹදිග ප්‍රදේශයේ ප්‍රාන්තයක් වන බලුකිස්තානය වෙනම රටක් බවට පත් කර ගැනීම වෙනුවෙන් පිහිටුවා ගන්නා ලද සංවිධානයකි.

ජීවන්ත ජයතිස්ස,
[email protected]



Leave a Reply

Your email address will not be published. Required fields are marked *

ප‍්‍රධාන පුවත්

කොරෝනා ආසාදිතයින් 57 දෙනෙක් හඳුනා ගනී

අද (09) දිනයේ දී කොවිඩ් 19 ආසාදිතයින් 56 දෙනෙක් හඳුනා ගෙන ඇති බව  සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජා...


Read More

අප්‍රිකානු රටවල සිට පැමිණි ශ්‍රී ලාංකිකයින් 8කට මැලේරියාව

අප්‍රිකානු රටවල සිට මෙරටට පැමිණි ශ්‍රී ලාංකිකයින් 08 දෙනෙකු මැලේරියා ආසාදිතයින් බවට අනාවරණය වී තිබේ. මැලේරියා මර්දන ව්&#...


Read More

නාකොටික් කල්ලිය කුඩු විකුණන ගමන් සල්ලිත් අච්චු ගහලා

අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන සිටින පොලිස් මත්ද්‍රව්‍ය නාශක කාර්යාංශයේ නිලධාරීන් මත්ද්‍රව්&...


Read More