දේශීය පුවත්

මිලේනියම් චැලේන්ජ් කෝපරේෂන් ගිවිසුම පිළිබඳ සොයා බැලීමට වත්මන් ආණ්ඩුව පත්කළ විශේෂඥ කමිටුව විසින් ඉදිරිපත් කළ වාර්තාවට අනුව මෙම ගිවිසුම අත්සන් තැබීම කිසි ලෙසකින්වත් අනුමත නොකරන බව ජාතික නිදහස් පෙරමුණේ නායක, කර්මාන්ත ඇමැති විමල් වීරවංශ පැවැසීය.

ඇමැතිවරයා මේ බව සඳහන් කළේ ඊයේ (29 වැනිදා) බත්තරමුල්ලේදී පැවැති මාධ්‍ය හමුවකට එක්වෙමිනි.

සෝෆා, ඇක්සා සහ එම්.සී.සී. යන ගිවිසුම් තුනම ඉන්දු පැසිෆික් යුද උපායික මාර්ගයේම කොටස් තුනක් හැටියට දැකීම නිවැරදි බව එම වාර්තාවේ දැක්වෙන්නේ යැයිද ඇමැතිවරයා මෙහිදී සඳහන් කළේය.

එම්.සී.සී. ගිවිසුමට අදාළව පසුගිය ආණ්ඩුව විසින් හොර රහසේ අත්සන් තැබූ ගිවිසුම් දෙකක්ද ඇති බැවින් මේ වන විට ඇමෙරිකානු තානාපති කාර්යාලය මීට නෛතික බැඳීමක් ඇතැයි සිතා අරලියගහ මන්දිරයේ තිබූ එම්.සී.සී. කාර්යාලය රහසිගතව දෙහිවල ප්‍රදේශයේ පවත්වාගෙන යන බවට තමන්ට තොරතුරු වාර්තා වී ඇතැයිද ඇමැතිවරයා කීවේය.

මෙහිදී වැඩිදුරටත් අදහස් දැක්වූ ඇමැතිවරයා මෙසේද පැවැසීය.

‘‘මේ ගිවිසුම්වලින් එළියට එන්න, පාර්ලිමේන්තුව ඇතුළේ තුනෙන් දෙකක බලයක් ගොඩනගා ගැනීම අත්‍යවශ්‍ය වෙනවා. අරලියගහ මන්දිරය ඇතුළට වෙලා මේ මෙහෙයුමේ ප්‍රධානියා ලෙස කටයුතු කළේ චරිත රත්වත්ත. මේ කමිටි වාර්තාවේ තියෙනවා අත්සන් තැබූ ගිවිසුම් දෙකට අදාළව ඇමෙරිකා ඩොලර් මිලියන දහයක් ලබාගත් බව. චරිතගේ දුව ඉන්නෙත් ඇමෙරිකාවේ. එම්.සී.සී. ගැන කතා කරන්න කියලා ඒ කාලේ චරිත රත්වත්ත දුව බලන්නත් ඇමෙරිකාවට ගියා. මේ ඩොලර් මිලියන දහය ඒවටත් වියදම් වුණාද දන්නේ නෑ. රනිල් වික්‍රමසිංහලා, චරිත රත්වත්තෙලා මේ මුදල්වලට මොකද වුණේ කියලා උත්තර දෙන්න ඕන.

එම්.සී.සී. ගිවිසුම අදියර කිහිපයකට සැලසුම් කළ දෙයක්. මාර්ග යටිතල පහසුකම් සංවර්ධනය, ඉඩම් සංගණනය කරලා ඩිජිටල් වාර්තාවක් සෑදීම සහ පාර්ලිමේන්තුවේ අනුමැතියෙන් පිහිටුවන විශේෂ නීති පද්ධතියක් වැනි අදියර ගණනාවක් තියෙනවා. මේක ආණ්ඩුවක් ඇතුළේ ආණ්ඩුවක් හදනවා තරම් බරපතළයි.

මෙතනින් දෙකකට අදාළව ගිවිසුම් අත්සන් කරලා. දින 52 ආණ්ඩුව නොතිබුණා නම් තවත් ගිවිසුමක් අත්සන් කරන්න ඉඳලා තියෙන්නේ. අන්තිමට ඇමෙරිකාව බලන්නේ ලංකාව ඔවුන්ගේ මිලිටරි තිප්පොළ බවට පත් කරන්න. ලස්සන වචන ටිකක් එක්ක.

මේ ගිවිසුම් විතරක් නෙවෙයි පසුගිය ආණ්ඩුව හොරට අත්සන් තැබූ ගිවිසුම් තව ඕනෑතරම් තියෙනවා. කොළඹ වරායේ නැගෙනහිර පර්යන්තය සම්බන්ධව ගිවිසුමක් කාටත් හොරෙන් අත්සන් කළා ඉන්දියාව, ජපානය ඇතුළු කණ්ඩායම් කිහිපයක් එක්ක. නැගෙනහිර පර්යන්තය කොළඹ වරායට තිබුණ විශාලම සම්පත. ඒ ඒදා හිටපු වරාය ඇමැතිලා ජනාධිපති නියෝග නොසලකා හැරලා තමයි මේ ගිවිසුම්වලට අත්සන් තැබුවේ.

මේ ගිවිසුම්වලින් එළියට එන්න නම් ජනාධිපතිවරයාට පාර්ලිමේන්තුවේ බලය අවශ්‍යයි. තුනෙන් දෙකක බලයක් නැතුවම ජනාධිපතිවරයා කොවිඩ් වසංගතය පාලනය කළා. තුනෙන් දෙකක බලය තිබුණා නම් මීටත් වඩා සාර්ථකව මේ ප්‍රශ්නෙට අපි මුහුණ දෙනවා. අද එජාපය සීසීකඩ විසිරිලා ඉවරයි. වලිගේ එක තැනක, හොඬවැල තව තැනක. අසමත් පක්ෂයක් කෙරෙහි පාරම්පරික එජාප පාක්ෂිකයන් අද බලන්නේ නෑ.’’



Leave a Reply

Your email address will not be published. Required fields are marked *

ප‍්‍රධාන පුවත්

ජාත්‍යන්තර යුද අපරාධ චෝදනා වලට ශ්‍රී ලංකා රජය පිළිතුරු බැඳිය යුතුයි – රණවිරුවන්ගේ ගෞරවය සහ නිර්දෝෂීභාවය ගැන උස් හඬින් ලෝකයට කිව යුතුයි

රණවිරුවන්ට එරෙහිව එල්ල වී ඇති යුද අපරාධ චෝදනා වලට ශ්‍රී ලංකා රජය විසින් විධිමත්ව පිළිතුරු බැඳීම මඟින් රණවිරුවන්ගේ නිර්දෝෂීභාවය සහ ...


Read More

ලෝක පාපන්දු ශූර ආර්ජන්ටිනාවේ “”දියගෝ මැරඩෝනා” වයස අවුරුදු 60 දී හෘදයාබාධයකින් මිය යයි.

මොළයේ ලේ කැටියක් හිරවිමට කරන ලද සැත්කමකින් පසු සති දෙකකට පෙර රෝහලින් පෙරලා නිවසට පැමිණ සිටි මැරඩෝනා හදිසි හෘදයාබාධයකින් මියගොස් ඇත. 19...


Read More

2021 දී “Sputnik V” එන්නත් බිලියනයක් අඩු මුදළකට ලබා දීමට රුසියානු බළධාරීන් සැලසුම් කරයි

Covid-19 සදහා රුසියාවේ නිෂ්පාදිත Sputnik V එන්නත ලබාගැනීමට ස්වේච්ඡාවෙන් ඉදිරිපත් වූ 20,000කට ආසන්න පිරිසකට ලබා දීමෙන් අනතුරුව කරන ලද පර්ය...


Read More