විදේශ පුවත්

ඉරානයේ ප්‍රබලම ජෙනරාල්වරයකු වන කසීම් සුලෙයිමානී ඝාතනය සම්බන්ධයෙන් ඇමෙරිකානු ජනාධිපති ඩොනල්ඩ් ට්‍රම්ප් අත්අඩංගුවට ගන්නැයි ඉරානයේ අධිකරණයක් වරෙන්තු නිකුත් කර ඇත.

ඇමෙරිකා එක්සත් ජනපදය ඩ්‍රෝන යානා යොදාගනිමින් පසුගිය ජනවාරි මාසයේදී එල්ල කළ මිසයිල ප්‍රහාරයකින් ජෙනරාල් කසීම් සුලෙයිමානී මරුමුවට පත්විය.

ඒ අනුව ඇමෙරිකානු ජනාධිපතිවරයා සහ එම ප්‍රහාරය එල්ල කිරීමට සම්බන්ධ යැයි විශ්වාස කරන තවත් 30කට ආසන්න ප්‍රමාණයක් අත්අඩංගුවට ගන්නැයි ඉරානයේ අධිකරණයක් විසින් නියෝග කරනු ලැබ තිබෙන අතර ඒ සඳහා ජාත්‍යන්තර පොලිසියේ (ඉන්ටර්පෝල්) සහාය ද ඉල්ලා ඇත.

ඉරාකයේ බැග්ඩෑඩ් නුවරට පැමිණි අවස්ථාවේදී ඉරාන ජෙනරාල්වරයා ඝාතනයට ලක්විය.

ජෙනරාල් කසීම් සුලෙයිමානී ඝාතනයට ලක්වූයේ ජනවාරි 3 වැනිදා ය. ඇමෙරිකානු ජනාධිපතිවරයා ඇතුළු 30 දෙනකුට අධික පිරිසක් ඊට සම්බන්ධ යැයි ද ඔවුන්ට ‘‘මනුෂ්‍ය ඝාතන සහ ත්‍රස්තවාදී චෝදනා’’ එල්ල කර ඇතැයි ද තෙහ්රාන් හි විනිසුරුවරයකු වන අලී අල්කසිමෙහ්ර් උපුටා දක්වමින් ඉරානයේ අයි.එස්.එන්.ඒ. පුවත් සේවය වාර්තා කර තිබිණි. අයි.එස්.එන්.ඒ. යනු ඉරානයේ අර්ධ රාජ්‍ය පුවත් සේවයකි.

විනිසුරු අලී අල්කසිමෙහ්ර් අන් අය කවුරුන්දැයි සඳහන් නොකළ නමුත් ඩොනල්ඩ් ට්‍රම්ප්ගේ ධුර කාලය අවසන් වීමෙන් අනතුරුව වුවද ඔහුට එරෙහිව නීතිය ක්‍රියාත්මක කිරීම සඳහා ක්‍රියාමාර්ග ගන්නා බව පැවැසීය.

ඉන්ටර්පෝල් හෙවත් ජාත්‍යන්තර පොලිසිය මේ සම්බන්ධයෙන් තවමත් කිසිවක් ප්‍රකාශ කර නැත.

ඇමෙරිකානු ජනාධිපති ඩොනල්ඩ් ට්‍රම්ප් අත්අඩංගුවට ගැනීම සඳහා රතු නිවේදන නිකුත් කරන්නැයි ද ඉරානය, ජාත්‍යන්තර පොලිසියෙන් ඉල්ලා ඇත. රතු නිවේදනය යනු ජාත්‍යන්තර පොලිසිය සැකකරුවකු අත්අඩංගුවට ගැනීම සඳහා නිකුත් කරන ඉහළම නිවේදනය යි.

අල්ජසීරා

055



Leave a Reply

Your email address will not be published. Required fields are marked *

ප‍්‍රධාන පුවත්

මත්ද්‍රව්‍ය වැටලීම් සම්බන්ධ සියලු තොරතුරු නිලධාරීන්ම ‘වෙලේ සුදාට’ දීලා

තමා පොලිස් මත්ද්‍රව්‍ය නාශක කාර්යංශයේ අධ්‍යක්ෂකවරයාව සිටි කාලය තුළ දී එහි වැටලීම් සම්බන්ධ තොරතුරු වෙලේ සුදා වෙත නිලධ...


Read More

කොරෝනා ආසාදිතයින් 57 දෙනෙක් හඳුනා ගනී

අද (09) දිනයේ දී කොවිඩ් 19 ආසාදිතයින් 56 දෙනෙක් හඳුනා ගෙන ඇති බව  සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජා...


Read More

අප්‍රිකානු රටවල සිට පැමිණි ශ්‍රී ලාංකිකයින් 8කට මැලේරියාව

අප්‍රිකානු රටවල සිට මෙරටට පැමිණි ශ්‍රී ලාංකිකයින් 08 දෙනෙකු මැලේරියා ආසාදිතයින් බවට අනාවරණය වී තිබේ. මැලේරියා මර්දන ව්&#...


Read More