තමා සිදු කරන දේශපාලනය ගැන හෝ දේශපාලන ඉතිහාසය ගැන කිසිදු පසු තැවීමක් නොමැති බව පෙරටුගාමී සමාජවාදී පක්ෂයේ නායක කුමාර් ගුණරත්නම් මහතා පවසයි.

ඒ මහතා මෙම අදහස් පළ කළේ යූටියුබ් නාළිකාවක් සමඟ සාකච්ජාවකට එක්වෙමිනි.

තමන් නිරත වෙමින් සිටින දේශපාලන ගැනත් කිසිදු පසුතැවීමක් නොමැති බවත් ඔහු පවසයි.

ශ්‍රී ජයවර්ධනපුර විශ්ව විද්‍යාලයේදී නවක වදයට ගොදුරුවී හිසට බරපතල තුවාල ලැබූ සිසුවාට සිදු වූ සිදුවීම දැඩි පිළිකුලෙන් යුතුව හෙලා දකින බවත් එයට පෙරටුගාමින්ගේ කිසිදු සම්බන්ධයක් නැති බවත් ඔහු අවධාරණය කරයි.

එම සිද්ධිය සම්බන්ධයෙන් සිදු කරන විකෘති කිරීම් වලට තමන් විරුද්ධ බව ඔහු පවසයි.