සාම්ප්රදායික සහ ආගමික චාරිත්රවලට ප්රමුඛත්වය දෙමින් ප්රධාන පූජ්යස්ථානවල හා දේවාලවල මෙවර පෙරහැර සංවිධාන කරන ලෙස ජනාධිපති ගෝඨාභය රාජපක්ෂ මහතා දියවඩන නිලමේ ඇතුළු බස්නායක නිළමේවරුන්ට උපදෙස් දී තිබේ.
ජනාධිපති මාධ්ය අංශය නිවේදනයක් නිකුත් කරමින් මේ බව සඳහන් කර ඇත.
මහනුවර දළදා මාළිගාව සහකතරගම, දෙවිනුවර, සබරගමුව ඇතුළු දේවාල මුල්කර ගනිමින් පැවැත්වෙන පෙරහැර කොවිඩ් මර්දනයට සහාය වෙමින් සෞඛ්ය මාර්ගෝපදේශ අනුව සිදුවිය යුතු බව ජනාධිපතිවරයා සඳහන් කර තිබේ.
වාර්ෂික පෙරහැර මෙවර සංවිධාන කළ යුතු ආකාරය පිළිබඳව කොවිඩ් මර්දන ජනාධිපති කාර්ය සාධක බලකායේ සහභාගීත්වයෙන් අද (12) දහවල් ජනාධිපති කාර්යාලයේ පැවති සාකච්ඡාවේ දී ජනාධිපතිවරයා විසින් මෙම උපදෙස් ලබා දී තිබේ.
මෙවර කවර හෝ සිද්ධස්ථානයක පෙරහැරට සහභාගී වීමට සහ එය නැරඹීමට මහජනතාවට අවසර නොලැබේ.
යාපනයේ නල්ලූර්, ත්රිකුණාමලය සහ නැගෙනහිර සෙසු ප්රදේශවල සිට පාද යාත්රාවෙන් කතරගම පෙරහරට පැමිණෙන පිරිසටද මෙවර අවසර නැත.
සියලු පෙරහර අඩුම කලාකරුවන් පිරිසකගේ සහභාගීත්වයෙන් සෞඛ්ය නිර්දේශ පිළිපදිමින් සිදු කිරීමේ අවශ්යතාව කොවිඩ් මර්දන කාර්ය සාධක බලකාය අවධාරණය කළේය.
විවිධ ප්රදේශවලින් පෙරහරට සහභාගීවන කලාකරුවන් අදාළ ප්රදේශයේ සෞඛ්ය බලධාරීන්ගෙන් වාර්තාවක් ලබාගත යුතු බවට ද තීරණය වී තිබේ.
දිය කැපීමේ උත්සව ද අවම සංඛ්යාවකගේ සහභාගීත්වයෙන් කළ යුතුයි.
දළදා පෙරහරේ කුඹල් සහ රන්දෝලි පෙරහර වීථි සංචාරය කරන දින 10ම සජීවිව රූපවාහිනියෙන් විකාශය කිරීමට සැලසුම් කර ඇතැයි සඳහන් කෙරිණි.
ඇමතිණි පවිත්රා වන්නිආරච්චි මහත්මිය, ජනාධිපති ලේකම් පී.බී. ජයසුන්දර, බුද්ධ ශාසන අමාත්යාංශයේ ලේකම් බන්දුල හරිස්චන්ද්ර මහත්වරු සහ ජනාධිපති කාර්ය සාධක බලකායේ සාමාජිකයෝ සහ දළදා මාළිගාවේ දියවඩන නිලමේ සහ දේවාලවල ප්රධාන බස්නායක නිලමේවරු සාකච්ඡාවට එක්ව සිටියහ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...