මිලින්ද මොරගොඩ මහතාගේ මැදිහත්වීමෙන් පිහිටුවා ඇති ‘‘පාත්ෆයින්ඩර්‘‘ ආයතනය  ඇමෙරිකානු ඔත්සේතුවා සංවිධානයක් බවත් එය ඔත්තු සේවා ක්‍රියාවලියක් සදහාම බිහි කරන ලද්දක් බවත් ජාතික නිදහස් පෙරමුණේ නායක ඇමැති විමල් වීරවංශ මහතා පවසයි.

ජනාධිපති විදේශ කටයුතු අතිරේක ලේකම්වරයා ලෙස කටයුතු කරන ජයනාත් කොළඹගේ මහතා ‘පාත්ෆයින්ඩර්’ සංවිධානයේ බැරෑරුම් කාර්යක නිරත වන්නෙක් බවත් තවත් එවැනි මහාචාර්යවරුයැයි කියා ගන්නා පිරිසක් ඔහු වටා පෙළ ගැසී සිටිනා බවත් ඔහු සඳහන් කරයි.

හිරු රූපවාහිනියේ ‘‘සලකුණ‘‘ වැඩසටහන සමග එක්වෙමින් වීරවංශ මහතා වැඩි දුරටත් කියා සිටියේ තමන් මේ බව පැවසීමට පැකිලෙන්නේ නැති බවත් එය කීමෙන් තමන්ට සිදුවන ඕනෑම දේශපාලන අවාසියක් දරා ගැනීමට තමන් සූදානම් බවත්ය.

මෙම සංවිධානය සමග කටයුතු සඳහා දයා රත්නායක හා ලලිත් වීරතුංග මහත්වරුන් සම්බන්ධ වුවද ඔවුන් එතරම් ක්‍රියාකාරී මැදිහත්වීමක් සිදුනොකරන බවද ඇමතිවරයා පවසයි.