වී මිල රු. 40ට පහත දමා වී ගොවියා 3 කට පත් කොට වී වගාව සහ සහල් කර්මාන්තය වැනසීම සඳහා මිිල පාලන උගුලක් ඇටවූ භාණ්ඩාගාර නිලධාරින්, ජනාධිපතිතුමා විසින් එම කුමන්ත්‍රණය පරාජය කළ පසුව, නැවත වටයකින් පොල් වගාව සහ පොල් කර්මාන්තය වැනසීම සඳහා ආනයනික පොල් තෙල් වලට මහා පරිමාන බදු සහනයක් ලබා දී ඇත.

ආනයනික පොල් තෙල් කි.ග්‍රෑම් 1 කට රු. 295 ක් ලෙස පැවති බද්ද පළමු වටයේදී රු.100 ක් සහ ඉන් පසුව රු. 70 ක් වශයෙන් රු. 170 කින් අඩු කොට එය රු. 125 ක් බවට පත් කොට ඇත.

එසේම ආනයනය කරන ප්‍රමාණය පිළිබඳව සීමාවක් පනවා නැත. ඒ අනුව දැන් වරායෙන් පිටතට පොල් තෙල් බෝතලයක් රු. 240 ක් වැනි මුදලකට ආනයනය කළ හැක.

දැනට ෆාම් තෙල් ආනයනයේ නියුක්ත ප්‍රධාන සමාගම් 02 ක උවමනාව මත සිදුකරන බව කියන මෙම බදු සහන සෙල්ලම මඟින් ඔවුන්ට රු. මිලියන 20,000 ක ලාභයක් ලැබෙන බව ක්ෂේත්‍රය දන්නා විද්වත්හු පවසති. ආනයන්ක පොල්තෙල් වලින් වෙළදපල  පිරුණ විට පොල්මිල පහත වැටී පොල්වගාකරුවන් සහ පොල්තෙල් කර්මාන්තකරුවන් අද වැටෙන බව නොතේරෙන්නේ කාටද?