ආසන ගණනට පමණක් මගීන් රැගෙන යන්නේ නම් බස් ගාස්තු වැඩි කරන ලෙස බස් සංගම් ඊයේ (07) රජයෙන් යළිත් ඉල්ලීමක් කරන ලදී.

ආසන සංඛ්‍යාවට පමණක් මගීන් ගෙන යෑමෙන් තමන්ගේ ආදයම 50%කින් පමණ අඩුවී ඇතිබව බස් සංගම් පෙන්වා දෙයි.

දැනට ධාවනය වෙන පෞද්ගලික බස්රථවල ආසන 52ක් හා ආසන 54ක් ඇති අතර බස් රථ සංගම්වල ප්‍රකාශයන්වලින් පැහැදිලි වන්නේ එක් ගමන් වාරයකදී බස් රථයක මගීන් 100කට වඩා ඔවුන් ගෙනයන බවය.

දැනට ධාවනය වන බස් රථවල ආසන ගණනටවත් තවමත් මගීන් නොමැති අතර බස් සංගම්වල ඉල්ලන්නේ මගියාගේ බෙල්ල මිරිකා හෝ මුදල් ලබා දෙන ලෙසය.

ඇඳිරි නීතිය ඉවත් කළද තවමත් පොදු ප්‍රවාහන සේවා භාවිත කරන්නේ ඉතා සීමිත පිරිසකි.