කොරෝනා ව්‍යාප්තිය සමඟ පහත වැටුණු ලෝක වෙළඳපොළේ බොරතෙල් සිල ගත වූ සතිය තුළ අඛණ්ඩ වර්ධනයක් පෙන්නුම් කළේ ය.

මැයි මස අවසන් සතියේ ඇමරිකානු ඩොලර් 38 ක් පමණ වූ බ්‍රෙන්ට් වර්ගයේ බොරතෙල් බැරලයක මිල මේ වන විට ඇමරිකානු ඩොලර් 42 යි ශත 30 දක්වා ඉහළ ගොස් තිබේ.

මේ අතර නිෂ්පාදන කප්පාදුව සම්බන්ධයෙන් සාකච්ඡාවකට ඔපෙක් සංවිධානය සහ එහි පාර්ශවකරුවන් අද නැවතත් රැස්වීමට නියමිතය.

මිල ස්ථාවරව පවත්වා ගැනීම සඳහා දැනට ක්‍රියාත්මක දිනකට බැරල් මිලියන 9.7ක නිෂ්පාදන කප්පාදුව තවත් මාසයකින් දීර්ඝ කිරීම සඳහා සෞදි අරාබිය ප්‍රමුඛ ඔපෙක් සංවිධානය, රුසියාව ඇතුලු රටවල් සමඟ පසුගිය දින කිහිපය තුළ සාකච්ඡාවල නිරත විය.