ලිබියාවේ හිටපු නායක මුවම්මර් ගඩාෆිගේ පුත් සායිෆ් අල් ඉස්ලාම් මීළඟ ලිබියානු ජනාධිපතිවරණයට තරග වැදීමට සූදානම් වන බව විදෙස් වාර්තා පවසයි. ජනාධිපතිවරණය මේ වසරේදී පැවැත්වීමට නියමිතයි. නේටෝ හමුදා සහයෙන් කි‍්‍රයාත්මක කැරැුල්ල මර්දනය කොට ලිබියාව මුදාගත හැක්කේ ගඩාෆිගේ පුත‍්‍රයාට බව ලිබියානුවන් ද විශ්වාස කරන්නට පටන්ගෙන ඇතැයි එරට වාර්තාවල දැක්වේ. සායිෆ් මැතිවරණයට ඉදිරිපත් වීමට සැලසුම් කර ඇත්තේ ලිබියානු විමුක්තිය සඳහා වූ පොදු පෙරමුණ පක්ෂයෙනි. එම පක්ෂය විසින් ගඩාෆි පුත‍්‍රයාගේ ජනපති අපේක්ෂකත්වය පිළිබඳ නිල වශයෙන් නිවේදනය කර තිබේ. ගඩාෆි පවුලේ උරුමක්කාරයා ලෙස ඔහු දේශපාලනයට පිවිසිය ද ඔහු ජාත්‍යන්තර අපරාධ අධිකරණයට අවශ්‍ය පුද්ගලයකි.