“බහු වාර්ගික, බහු සංස්කෘතික හා බහු විශ්වාස සහිත රුසියානු ජන සමාජය රටකට වඩා සැබවින්ම වෙනස් ශිෂ්ටාචාරයක්” බව ඉරිදා Russia-1 නාලිකාව හරහා විකාශය වූ සම්මුඛ සාකච්ඡාවකට එක් වෙමින් ජනාධිපති ව්ලැදිමීර් පුටීන් පැවසීය. රුසියාව තම ස්වාධීනත්වය තවදුරටත් පවත්වා ගැනීමට නම් එයට අති නවීන තාක්ෂණය එක් කර ගත යුතු බව ඔහු තවදුරටත් පවසා තිබේ.

එහිදී කෘතිම බුද්ධිය ජාන තාක්ෂණ විද්‍යාව වැනි තාක්ෂණයන් පිළිබඳ පර්යේෂණ කිරීමේ අවශ්‍යතාව කෙරෙහි ඔහුගේ අවධානය යොමු වී ඇත. එමෙන්ම දැනට වෙනත් කිසිදු රටක් සතුව නොමැති හයිපර්සොනික් ආයුධ පද්ධති තමන් සතුව පැවතීම රුසියාවේ ඉංජිනේරු තාක්ෂණයේ ශක්තිමත් බව විදහාපාන සාධකයක් බවද ඔහු ප්‍රකාශ කරන ලදී.

ජනපති පුටින් ගේ උපදෙස් පරිදි මෙවර වාර්ශික අයවැයෙන් රූබල් මිලියන 2000 ක් වෙන්කරමින් රටම ආවරණය වන පරිදි ජාන සංකීර්ණ පද්ධති තුනක් ඉදිකිරීමට රුසියාව පියවර ගෙන ඇත. එම සෑම පද්ධතියක්ම ඒ හා අනුබද්ධිත විශ්වවිද්‍යාලයකින්, පර්යේෂණ ආයතනයකින් හා එම පර්යේෂණ ප්‍රතිඵල නිපදවීම සඳහා සැකසූ නිෂ්පාදනාගාරයකින් සමන්විත වේ.

Novosibirsk නගරයේ පිහිටා ඇති ජාන පර්යේෂණ ආයතනයෙන් මේ වන විටද පිළිකා මර්දනය සඳහා ප්‍රතිකාරයක් සොයා ගෙන ඇති අතර එය සාර්ථක ප්‍රතිඵල අත්කර දී ඇති බව රුසියානු වාර්තාවල දැක්වේ. ඔවුන් මෙම වසර අග වන විට ජාන තාක්ෂණය උපයෝගී කරගෙන නිමැවූ මෙම ප්‍රතිකාරය ලොවට හඳුන්වා දීමට අපේක්ෂා කරන බව සඳහන් වේ.

මූලාශ්‍ර
www.rt.com