පාර්ලිමේන්තු මහ මැතිවරණ දිනය තවත් සති කිහිපයකින් පමණ කල් යාමට බොහෝ දුරට ඉඩ ඇතැයි වාර්තා වෙයි.

මැතිවරණයට තරග කරන සංධානවල ලේකම්වරුන් සමග මැතිවරණ කොමිසමේ විශේෂ සාකච්ඡාවක් හෙට (12දා ) පෙරවරුවේ පැවැත්වීමට නියමිත අතර එහිදී මේ පිළිබඳව අවසන් තීරණයක් ගනු ඇති බව වාර්තා වෙයි .

එමෙන්ම මනාප අංක ඇතුළත් ගැසට් නිවේදනය නිකුත් කිරීම පිළිබඳව ද මෙහිදී තීරණයක් ගැනීමට නියමිතය .

ලබන ජුනි මස 20 වැනිදා මැතිවරණය පැවැත්වීමට නියමිත නමුත් රාජ්‍ය ආයතන තවමත් පූර්ණ ක‍්‍රියා කාරිත්වයට පත්ව නොමැති නිසා මැතිවරණය සංවිධාන කටයුතුවලට ඉදිරි කාලය ප‍්‍රමාණවත් නොවන බවට මැතිවරණ නිලධාරීහු පෙන්වා දෙති.

මැතිවරණයට තරග කරන සෙසු පක්ෂවල ලේකම්වරුන් අනිද්දා ( 13 ) කැඳවා ඇත.

https://lankaleadnewswesakzoon.bitrix24.site/preview/b564b4f72501d8b3d20f5155697b9c86/#block5